Алюминий, алыну, қасиеттері, қолданылуы. Алюминийдің физикалық және химиялық қасиеттері. Оксидтері, гидроксидтері, амфотерлі қасиеттері

Жай жағдайда Sn, Gе, Рb ауамен, сумен әрекеттеспейді, ал қыздырғанда GеО₂, SnО₂,РbО оксидтері түзіледі. Металдардың кернеу қатарында германий сутегіден соң, қорғасын мен қалайы сутегінің алдында орналасқан, сондықтан германий сұйытылған қышқылдармен әрекеттеспейді, Sn ериді, ал қорғасын HCI, Н₂SО₄ қышқылдарында ериді, бірақ біраздан соң қорғасынның еруі тоқтайды, себебі металдың беті ерімейтін сульфат, хлорид тұнбаларымен жабылады. Концентрлі HCI ерітіндісінде ериді:

Sn, Рb +4HCI_конц→ Н₂[ЭСI₄] +2Н₂

Концентрлі күкірт қышқылымен германий және қалайы тұз түзе әрекеттеседі:

Э + 4Н₂SО₄ = Э(SО₄)₂ + 2 SО₂ + 2Н₂О,

қорғасын гидросульфат түзеді:

Рb +3Н₂SО₄(<80%) = Pb(НSО₄)₂ +SО₂+2Н₂О

Концентрлі азот қышқылында германий мен қалайы германий және қалайы қышқылдарын түзеді:

Э + 4НNO₃ = H₂ЭО₃ + 4NO₂ + Н₂О. Бұл қышқылдарды хЭО₂^.уН₂О деп жазуға болады. Сұйытылған НNO₃ қалайыны ерітіп, нитратын түзеді:

3Sn + 8НNO₃ =3Sn(NO₃)₂ +2NO₂ +4Н₂О.

Концентрлі және сұйытылған НNO₃ қорғасынды ерітеді, Pb(NO₃)₂ түзеді:

3Рb +8НNO₃=3Pb(NO₃)₂ +2NO↑ + 4Н₂О

Рb +4НNO₃=Pb(NO₃)₂ +2NO₂↑ + 2Н₂О

Қыздырса, Sn және Рb сілтілермен әрекеттеседі, бұл жағдай осы металдардың амфoтерлік табиғатын дәлелдейді:

Э +2КОН+2Н₂О=К₂[Э(OH)₄] +Н₂,

Германий сілтімен тек тотықтырғыштар қатысында әрекеттеседі:

Gе +2КОН +2Н₂О + О₂ = К₂[Gе(ОН)₆]

Германий қышқылдар қоспасында, патша арағында жақсы ериді:

Gе + 4НСI +4HNO₃ =GeCI₄+4NO₂+4H₂O

3Ge+4HNO₃+18HF=3H₂[GeF₆]+4NO+8H₂O

Бұл үш элемент те галогендермен, халькогендермен әрекеттеседі, сонымен бірге германий мен қалайы фосформен де әрекеттеседі:

Э + Г₂→ ЭГ₄(Ge, Sn),ЭГ₂(Рb)

Э + S→ Э S₂(Ge, Sn),Э S(Рb)

Ge, Sn + P → Э₃Р₄

Бұл элементтердің +2 және +4 тотығу дәрежелеріне сәйкес оксидтері ЭО, ЭО₂ белгілі: Э+О₂ → ЭО₂(Ge, Sn) түзілсе, қорғасын ЭО түзеді: 2Рb+О₂ → 2РbО, қыздырғанда, ал тек күшті тотықтырғыштар қатысында қорғасын ЭО₂ береді:

Рb(СН₃СОО)₂+СаОСI₂+H₂O = PbО₂+СаСI₂+2CH₃COOH

ЭО оксидтері негіздік қасит көрсетеді, сондықтан қышқылдармен әрекеттеседі: ЭО+ Н₂SО₄ =ЭSО₄ + H₂O, тұздары суда гидролизге ұшырайды.

ЭSО₄ + 2H₂O ↔ Э(ОН)₂ + H₂SО₄

ЭО₂ қышқылдармен әрекеттеспейді, себебі олар қышқылдық оксидтер, сілтілерде ериді, сонда германаттар, станнаттар, плюмбаттар түзіледі; суда ерігенде гидроксокомплекстер береді.

ЭО₂ +2NaOH→ Na₂ЭО₃ + H₂O

ЭО₂ +2NaOH+ 2H₂O → Na₂[Э(ОН)₆].

Э(ОН)₂ және Э(ОН)₄ амфотерлі қасиет көрсетеді. Э²⁺ сәйкес тұздары германиттер, станниттер, плюмбиттер – күшті тотықсыздандырғыштар. Н₂ЭО₃ не Н₄ЭО₄ былай жазылады: ЭО₂ ^. хH₂О.

Алғаш алынғанда α-қалайы қышқылы түзіледі, ол тұз қышқылымен әрекеттеседі: Sn(ОН)₄ +4НСI→ SnСI₄ +4H₂O, біраз уақыттан соң β-қалайы қышқылына айналады, ол НСI әрекеттеспейді.