| ОЗОН О3 - оттегінің динамикалық изомері. Ол тез ыдырайды да бір атом оттегін бөліп, күшті тотыққыштық әсер етеді. Озон атмосфераның электрленуі, судың булануы, ультракүлгін сәулелерінің әсерінен шығады. Әсіресе озон күн күркіреп, найзағай жарқылдағанда, теңіздер жағалауында, қылқан жапырақты ағаштар арасында, су құламаларында өте көп кездеседі. Оның бір куб.м. ауадағы 0,01 – 006 мг концентрациясы дененің тыныс алу мүшелері, жүрек, қан және ас алмасу жүйелерінің қызметін жақсартады. Озон ластанған ауада кездеспейді, себебі ол органикалық заттарды тотықтыруға жұмсалып кетеді. Сондықтан ауада озонның болуы оның тазалығының көрсеткіші болып саналады. Озонның әр куб.м. ауадағы 0,1 мг концентрациясы тыныс жолдарының, көздің кілегей қабаттарын тітіркендірсе, одан көп мөлшері улы әсерін тигізеді.
Озонды көбінесе органикалық заттарды тотықтырғыш есебінде ауа тазалау, жаңарту (дезодаратор) үшін қолданады.
Достарыңызбен бөлісу: |
