Зерттеудің мақсаттары мен міндеттері

Зерттеу мақсаты – ұлттық мәдениетіміздің елеулі саласына жататын халықтық медицинаның материалдық негізі – халықтық медицина атауларының және оларға қатысты ұғымдардың этнолингвистикалық табиғатын айқындап, олардың ұлт дүниетанымындағы, тілдік жүйедегі орнын анықтау болып табылады.

Осы мақсатқа сай мынадай міндеттер көзделеді:

- халық медицинасында қолданылған терминдерді халық ауыз әдебиеті үлгілерінен, түрлі сөздіктерден, ғылыми зерттеулерден, осы тақырыпқа қатысты жарық көрген мақалалар мен материалдардан жинастырып, жүйелеп, тақырыптық жағынан топтастырып,әрбір атауға сипаттама беру, халықтың өткен өмірінен, тарихынан, тұрмыс-тіршілігінен, дүниетанымынан, әдет-ғұрпы мен салт-дәстүрінен мол мәлімет беретін лингвистикалық және экстралингвистикалық құнды деректер табу;

- халықтық медицина атауларының этнолингвистикалық табиғатын этномәдени және этнопсихологиялық факторлар арқылы айқындай отырып, этнолингвистикалық мағынасын ашу;

- халықтық медицина атауларының қазіргі таңдағы медицина терминдерінің қалыптасуына ықпал еткендігін көрсету;

- қазақ тіліндегі халықтық медицицна атауларының уәжділік жүйесіне сипаттама жасау;

- халықтық медицина атауларының фразеологизмдердегі, мақал-мәтелдердегі, көркем әдебиеттегі, эвфемизм мен дисфемизмдегі, диалектілердегі көрінісін айқындау;