Гигроскоптық ылғалдылықты анықтау. Азық құрамындағы байланған, яғни гигроскоптық суды анықтау үшін оның үлесін 100-105°С-та тұрақты салмаққа дейін кептіреді. Кептіру кезінде азықтан гигроскоптық ылғал, ұшпа қышқылдар, аммиак, басқа заттар ұшып кетеді де, тотығу үрдісінің нәтижесінде оттегіжұтылады. Дәл нәтижеге алу үшін зерттеуді индиферентті газ ағынында не ваккуум аппаратта жүргізеді. Гигроскоптық ылғалы кептірілген азық абсолютті-құрғақ күйге көшеді. Зерттеу үшін аналитикалық таразы, кептіргіш шкаф, бюкстер (нығыз тығынды кептіргіш стакандар), үлгі алатын қасық, эксикатор, сүзгі қағаз қолданылады.
