«Үй мысықтары», «Жабайы мысықтар»

Бағдарламаның басқа құндылығы мынада: ол ұлттық бағдарламаны жоққа шығармайды, оны тек жаңа демократиялық тәсілдермен толықтырады, уақыт талаптарына жауап бере отырып, жеке тұлғалық даму мен қауымдастықты білім беру үрдерісіне тартуды қамтамасыз етеді.

Қатынас- байланыс, қамқорлық, қоғам, отаншылдық сияқты басты түсініктерге сүйене отырып, Тәй- тәй өз алдына мақсат қояды:

• 
  өмір бойы оқуға дайын адамдарды тәрбиелеу;
  
• 
  өзара құрмет пен демократиялық ұстанымдарға негізделген оқыту ортасын жасау;
  
• 
  дамудың іс- тәжірибелік тәсілдерді мен оның үздіксіздігін қамтамасыз ету;
  
• 
  балалардың демократиялық қоғамда өмір сүруі үшін қажетті академиялық, көркем, әдептік және іс- тәжірибелік білімге ие болуы.
  

Бағдарлама әрбір баланың дербестігін: «ол қандай болса, сондай болу» құқығын қорғайды. Инновациялық технологияның бірегейлігі мынада: педагогтарға ата- аналармен тығыз ынтымақтастықта балалардың жеке қабілеттіліктерін белсенділік орталықтары арқылы ашуға мүмкіндік береді, дербес жеке тұлғаны дамытады, педагогтарды балаларға білім негіздерін ұлттық бағдарлама талаптарына сәйкес беруді үйретеді. Бұл бағдарламаны енгізу үдерісінде қабылдау және топ бөлмелерін безендіруде үлкен өзгерістер болып өтеді: «Сәлеметсіздер ме, мен келдім» бұрышы, «Бақыт жазбаларына» арналған фотосуреттер мен қалташалары бар шкафшалар, «Отбасылық газеттер» шығару, «Топ жарғысын» ілу және белсенділік орталықтарының негізгі жабдығы. Қабылдау бөлмесінде «Сәлеметсіздер ме, мен келдім» бұрышының болуы өзіне бірқатар психологиялық жүктеме жүктейді. Бала топқа келгенде өз есімін, фотосуретін, қағазбелгіні қалташаларға қояды. Ол осылайша барлық балаларға өзінің басқа балалар сияқты ұжымның толық құқықты мүшесі екендігін хабарлайды. Бұған қоса, бұл балалар арасындағы тұлғаралық қатынастарды қалыптастырады. Бала достарынан, балалардан кімдердің келгенін анықтай алады. Бұл балалар арасында жарысу рухын туындатады: «Мен бүгін бірінші болып келдім, топта балалар жоқ болатын».

Сондай- ақ шкафшадағы фотосуретте де өзіндік мағыналық жүктеме бар. Бұл топта бар баланың бөлшегі. Шкафшадағы есімдер балаларға өз есімін, досының есімін жазуды есте сақтау мүмкіндік береді.

«Бақыт жазбалары» ата- аналардың, педагогтар мен балалардың арасындағы қатынастарды нығайту құралы болып табылады. Әрбір балада өзіне тиісті қалташа болады. Бізде олар алуан түрлі етіп орындалған, оларға баланың елеулі жетістіктері, оның мінез- құлқындағы өзгерістер және баланы белсенділігі үшін мақтау ниеті атап көрсетілген жазбалар саналады. «Бақыт жазбаларын» ересектер де: алғыстар түрінде педагогтар ата- аналардан, ата- аналар тәрбиешілерден алады. Бұған қоса, ата- аналар өз балаларына «Бақыт жазбаларын» тілектер түрінде жаза алады, ал тәрбиешілер оларды балаларға зеріккен немесе бейімделу кезеңінде оқып береді.