2 жаттығу: «Мейірімді есім» Мақсаты – эмпатияны дамыту, жағымды эмоционалды фон жасау. Әр балаға
оң жағындағы көршісін мейірімді түрде атау ұсынылады, нәтижесінде
тыңдаушы алғысын білдіреді. 1- ші шеңберден кейін жаттығу кері жаққа
орындалады (енді сол жағындағы көршіні мейіріммен атайды)
3 жаттығу: «Егер де... не болар еді» Мақсаты қиялды, ойлауды дамыту.
Балаларға түрлі тақырыптарда қиялдау ұсынылады. Мысалы, егер әрбір адам
туа салысымен басқа адамның ойын оқуға ие болса, жер бетінде өмір қалай
өзгереді? Егер адамдардың барлығы сөйлей алмай қалса, онда...
4 жаттығу: «Шимақтасқан сызықтар» Мақсаты – балалар зейінінің
шоғырлануын дамыту. Белгіленген
суреттер мен жолдар шимақтасқан
сызықтармен байланысқан. Бірнеше
минут ішінде белгіленген бір орыннан
екінші орынға дейін жолды табу қажет.
Нұсқау: Жолақтарға мұқият қараңдар.
Жолақтың екі шетінде шкала көрсетілген,
тіке сызықтар сызылған. Әр сызықтың
жанында сандар жазылған. Ол сызықтар
шимақталған сызықтармен байланысқан.
Бірнеше минут ішінде қолдың көмегінсіз
бір саннан екінші санға жолды табу
қажет.
5 жаттығу: «Ұлу» Мақсаты – эмоционалды қысымды, агрессияны түсіру.балалардың
шапшаңдығын төмендету.
Балаларға келесі сұрақ қойылады: «Қалай ойлайсыңдар, ұлу не үшін
құрбақадан қорқады? Қауіп төнгенде ұлу не істейді?» содан кейін балалар
«паравоздың» артынан бір-бірлерінің белдерін ұстайды. Енді біз сізбен бір
үлкен ұлумыз. «Құрбақа» деп белгі берілгенде ұлу спираль түрінде оралады
және қатып қалады, қозғалмайды және қимылдамайды. (құрбақа секіріп
кетті) белгісі бойынша балалар қолдарын босатып жан-жаққа тарайды.
