Ғылыми-әдістемелік орталығЫ «Қалалық Әдістемелік кабинет»

11сыныптарға арналған бағдарлама мазмұны 34 сағатты құрайды. Соның ішінде дәріс – 14 сағат, 20 сағат – семинар, іздену жұмыстарына арналған. Іздену, практикалық жұмыстарда ауызша, жазбаша сөйлеу мәдениетін қалыптастырып, поэзиялық шығармаларды салыстыра отырып талдау жолы қарастырылған. Заман сұранысы, заман ағымына қарай жаңа түрге ие болып отырған қазақ поэзиясының мәнін түсіну үшін тақырыптар топталып беріліп, шығармашылық, ізденіс, салыстыру тапсырмаларымен оқушылардың білімі бекітіліп отырады.

Практикалық жұмыстар арқылы оқушының шығармашылық қабілеті шыңдалып, әдеби-теориялық ұғымдарды терең меңгеріп, оны дағдыға айналдыруы көзделеді. Өлең, эссе, ойтолғау жазуға бейімделеді.

«5» деген баға – өтілген материалдарды толық меңгеріп, поэзиялық шығармаларды толық талдай білетін, теориялық ұғымдарды өз тәжірибесінде қолдана білетін, сөйлеу мәдениеті қалыптасқан, өлең, әңгіме жаза білетін, мәнерлеп оқуда өз дағдысы қалаптасқан оқушыға қойылады;

«4» деген баға – оқушы берілген тапсырмаларға толық жауап беріп, жеңіл емлелік немесе тыныс белгіден қате жіберген жағдайда қойылады;

«3» деген баға – оқушы өтілген материалдың негізгі мазмұнын түсініп, бірақ ойын толық жеткізе алмаған жағдайда, емлелік және тыныс белгісі қателерін жиі жіберген жағдайда қойылады;

«2» деген баға – өтілген материалды толық меңгере алмаса, өлеңдерге теориялық, салыстыра отырып талдау жасай алмаса қойылады.

Қосымша

Курс бойынша оқушылардың білімдерін жетілдіруге мүмкіндік беретін репродуктивтік танымдық тапсырмалар берілді.

1. Энциклопедия. Алматы.Атамұра 2006ж.

2. Абай Энциклопедия .Алматы.2006 ж.

3. Биекенов К., Садырова Ш. «Әлеуметтанудың түсіндірме сөздігі» Алматы 2007 ж.

4. Ш.Құдайбердиев «Өлеңдер мен поэмалар». Алматы «Жалын» 1988 ж.

5.Айтбаева А. Ш.Құдайбердіұлының діни-этикалық көзқарасы Алматы 1996 ж.

6.Әбдіғазиев Б. Асыл арна Алматы 1996 ж.

7. «Шәкәрімтану мәселелері» сериялық ғылыми жинақ 1,2,3 том құрастырған Т.Шаңбай – Алматы 376 б. 2007 ж.

8.Бес ғасыр жырлайды ІІ том Алматы «Жазушы» 1999ж.

БАҒДАРЛАМА

8-9 сынып оқушыларына арналған

(аптасына –1 сағат, барлығы – 34 сағат)
Қойгелдинова Ж.Н., Турсунова А.Р.

«Жаңа Ғасыр» №175 гимназиясы

«Тіл білгірі» таңдамалы курсының бағдарламасы 8-9 сыныптарға арналған . Бағдарламаға жылдар бойы орта мектеп бағдарламасынан аз ғана уақыт бөлініп келген жаттығу жұмыстарының деңгейлік түрлеріне қатысты материалдарды іріктеп алып отырмыз.

Бұл курсты жүргізудегі мақсатымыз – оқушылардың тіл байлығын молайтуға, тілдік жаттығуларды орындау барысында деңгейлік тапсырмалар мен шығармашылық жұмыс түрлерін өздігінен орындай білуге, сондай - ақ топтық, жұптық жұмыстарына қызыға ден қоя білуге, көркем мәтінді талдай білуге дағдыландыру.

«Тіл білгірі» таңдамалы курсында қазақ тілін оқытудағы басты мақсат, бір сөзбен айтқанда, оқушылардың қазақша сөйлеу компетенттілігін қалыптастыру. Ол оқушылардың фонетикалық, лексикалық, грамматикалық компетенцияларын қалыптастырудан басталады. Ал мұның бәрі  оқылым, жазылым, айтылым, тыңдалым, тілдесім барысында қалыптасады.

«Тіл білгірі» арнайы курсында қазақ тілі пәнінің барлық саласы оқушы деңгейіне сай қамтылады. Күрделі тақырыптарға баса назар аударылып, сол тақырыптардың мазмұнын пысықтау мақсатында сабақ соңында, бөлім соңында жаттығу жұмыстары мен тест сұрақтары беріледі.

Бұл курстың 8-9 сыныптарда қазақ тілден алған білімдерін жүйелеп қайталау, талдау, одан әрі тереңдете түсуде маңызы зор болмақ.АКТ мүмкіндіктерін пайдалана отырып, оқушының ғаламдану, жаһандану кезеңіндегі қалыптасқан тілдік қабілеті жоғары тұлғаны қалыптастыру. 
1. Оқу үдерісінде ақпараттық технологиялардың орнын, тәсілі мен рөлін анықтау. 

2. Интербелсенді әдістерді қолдана отырып, оқушылардың өз беттерімен жұмыс жасау іскерліктерін қалыптастыру.
3. Интерактивті тақтаның қызметі, түрлері, тақтаны сабақта тиімді қолдану. 
4. Интерактивті тақтаның тиімді құрал-саймандарын қолданудың мүмкіндіктерін нақты мысалдар арқылы көрнекі түрде көрсету.
5. Интерактивті құралдарды қолданудың қажеттілігі мен тиімділігіне көз жеткізу. 
Болжам: 
Егер әрбір мұғалім интербелсенді әдістер мен ақпаратты-техникалық құралдарын жетік меңгерсе, онда олар өз тәжірибелерінде (сабақтарында) интерактивті тақтаны, электрондық оқулықтарды тиімді де пайдалы түрде қолдану мүмкіндігіне ие болар еді. 
Күтілетін нәтиже: 

Оқу үдерісінде үнемі қолданыста жүрген интербелсенді әдісті тиімді қолдана алады.

Заман талабына сай ақпараттық технологиялармен танысады. Интерактивті тақтаны қолдануды үйренеді. Интерактивті тақтаны, интерактивті тақтаның тиімді құрал-саймандарын сабақта тиімді қолданады, мәліметтерді өз бетінше жинақтап, өңдей алады. Интерактивті құралдарды қолданудың қажеттілігі мен тиімділігіне көз жеткізеді. Туындаған қиындықтардың жолын іздеуге машықтанады.


Тұрақтылау ( мазмұндық ) бөлімі

1.Кіріспе –1 сағат. «Тіл білгірі» арнайы курсының мақсаты, міндеті. Қазақ тілі туралы түсініктерін білімдерімен ұштастыру.

2. Қазақ тіл білімі – 1сағат. Қазақ тіл білімінің өзге тілдерден ерекшелігі, салалары туралы мағлұмат алу.

3. Терминдер – 1сағат. Терминдердің қазақ тіліндегі маңызын, өзіндік ерекшелігін, емлесін ұғыну.

4. Фонетика – 5 сағат. Фонетикалық түсініктерін қайталату, толықтыру, талдата отырып білім беру. Дыбыстардың ерекшелігін ашып көрсету. Орфоэпия, орфографиялық нормаларды дұрыс сақтап айтуға дағдыландыру.

5. Лексика – 3 сағат. Лексикалық бірліктердің маңыздылығын, сөз, сөйлем талдаудағы сөз мағынасының маңыздылығын ұғыну, пайымдау.

6. Морфология – 14 сағат.

Сөз таптарының өзіндік тұлғаларын, қолданылу ерекшеліктерін, талдау, жинақтау барысында түсіну, қорытынды шығару.

7. Синтаксис – 7 сағат. Сөз тіркесі, сөздердің байланысу түрлері мен тәсілдерін, сөйлем туралы білімдерін дамыту, кеңейту, қолдана білу, қатемен жұмыс арқылы білімдерін дамыту.

8. Стиль –1 сағат. Стильдік ерекшеліктерді ұғыну.