Қазіргі география сабақтары және оған қойылатын талаптар
Оқытуды ұйымдастыру формалары немесе нышандарын дұрыс таңдау
Оқытуды ұйымдастыру формалары немесе нышандары дегеніміз бұл бекітілген ереже бойынша және белгілі бір тәртіпке жүзеге асырылатын мұғалім мен оқушылардың үйлесімді іс-әрекеттерінің сыртқы көрінісі
Оқытуды ұйымдастыру формалары немесе нышандары алуан түрлі, бірақ екі топқа бөлінеді:
1) сыныпта оқыту формалары: сабақ, дәрістік-семинарлық-сынақтық оқыту жүйесі
2) сыныптан тыс оқыту формалары: оқу экскурсиялары, кеңес берулер, олимпиадалар, қосымша сабақтар, қоғамдық білім байқауылары, оқушылардың үйде орындайтын жобалық және зерттеу жұмыстары
Оқыту формалары оқытушылардың санына, мұғалім мен оқушылардың қарым-қатынас ерекшеліктеріне қарай:
Жаппай
Топтық
Жеке
Оқытуды ұйымдастыру формалары алуан түрлі болуына қарамастан оқу үрдісін ұйымдастырудың ең негізгісі, әрі бастысы сабақ болып қалады
Сабақтың өзегі – оқу пәнінің мазмұны арқылы жеке тұлғаны қалыптастыру болса, оның негізі мұғалім мен оқушылардың іс-әрекеттерінің бірлігі болып табылады
Қазіргі кезеңде мектепке оқушылардың өз бетімен жұмыс істей отырып білім алуларына, танымдық тәжірибелерді жүйелейтіндей, зияткерлік және тәжірибелік әрекеттерін оятатындай басқа жаңа әдістер қажет
