Ғылыми жетекші: магистр, Барбосынова Г.Е.
ӘДЕБИЕТ ӘЛЕМІНДЕ ДОМБЫРА АРҚЫЛЫ ТҰЛҒАНЫ ШЫҒАРМАШЫЛЫҚҚА БАУЛУ Жолдығали А. Х.ы, Ақтөбе гуманитарлық колледжі, Жетекшілері: Ш. А. Шумақова, Л. Т. Балгазиева Мақалада қазақ домбырасы прозалық жанрда ғана зерттеліп, айтылып келсе, поэзияда
оның мәні ерекше. Оған біздің ақындардың туындыларындағы аспаптың көркем тілмен
суреттелуін талдай отыра көзіміз жетті. Міне, поэзиядағы оның суреттелуі – бойындағы
тамаша сапаларды айшықты көрсетеді.
Кілт сөздері: Ақын, домбыра, поэзия
Ақын және домбыра. Д омбыра - қазақ халқының ұлттық аспабы, төл мәдениетімізді жіті
таныстырар асыл мұрамыз.Қазақстан Республикасының білім беру ісінің үздігі, күйші,
композитор Жасарал Еңсепов домбыраның екі ішегін қағып, әуен шығару, бір мезгілде
поэзияға қосып, нәтижесін көрсету – логика, күй сезімінің мәнін жеткізу – философия деп
тұжырымдаған. Бұдан біз қазақтың көне заманының және қазіргі таңдағы күйшілердің
соншалықты талантты болғанын, осы сапаларды кешенді түрде бір мезгілде көрсеткен тума
дарындылықты аңғарамыз.
Домбыра шертілгенде қазақтың кең–байтақ сахарасы, сұлу табиғаты, самал желі мен үрлеген
бораны, көлдегі аққуы көз алдымызға келеді. Бұл – қазақ күйінің ерекшелігі. Қос дауыс
сарынынан бүкіл қазақ жұртының қуанышы мен қайғысы, арман–мүддесі, философиялық
сарын, азаматтық үн, жалпы айтқанда, тарихы күй болып төгіледі.
Қадір Мырзалиев өлеңінің:
271
Бір ішегінде биіктік бар, бір ішегінде тереңдік.
Ол мылқауды сөйлетеді, жылатады кереңді ─ деген жолдары осыны айғақтайды.
