Қысқаша түйіндеме
жүктеу/скачать 1,77 Mb.
|
| Қысқаша түйіндеме БХЖС-2011 сәйкес Қазақстанда типті жастағы халықты (18-22 жас) үшіншілік біліммен (ТжКБ орта буынының мамандары, бакалавриат, магистратура, докторантура) жалпы қамту соңғы 5 жылда 53,1% 48,4% дейін төмендеді1. Бұл көрсеткіштің төмендеуі ақылы бөлім контингентінің (2011 жылғы 498 440-тан 2015 жылғы 337 092 білім алушыға дейін, яғни 33%-ға) айтарлықтай азаюына байланысты. ЮНЕСКО деректері бойынша шетелдік ЖОО-да білім алған қазақстандық азаматтардың саны 2009 жылғы 36 мыңнан 2013 жылғы 49 мыңға дейін өсті (ҚХР ЖОО-дағы қазақстандықтарды есепке алмағанда. Мемлекеттер, ЮНЕСКО Қытай бойынша шетелдік студенттер туралы деректерді ұсынбады). Бұл деректер Қазақстанның төлемге қабілетті азаматтардың неғұрлым көбі жылдан жылға шетелдік білім беруді таңдайтынын дәлелдейді. Ресейлік ЖОО 213 мың шетелдік студенттердің 49 252 (23%-ы) Қазақстанның азаматтары болды. Ресейде шетелдік студенттердің саны бойынша Қазақстанның азаматтары 1-орынды алады2. Әлемнің неғұрлым бәсекеге қабілетті алты мемлекетінде үшіншілік біліммен жалпы қамту орта есеппен 72,2% (Швейцария - 55,6%, Сингапур-82,7%, АҚШ-94,3%, Германия-61,7%, Нидерланды - 77,3%, Жапония - 61,5%) құрады. Өз кезегінде үшіншілік біліммен қамтудың жоғарғы көрсеткіштері ЖБИ-де көшбасшы позицияның кепілі болмады. Грецияда бұл көрсеткіш 116,6% (ЖБИ-де 81-орын), Аргентинада 80,3% (106), Украинада 79% (79), Ресейде 76,1% (45) құрады3. Қазақстандық ЖОО-ның әлемдік академиялық рейтингтердегі белсенділік артты. QS World University Rankings-2011 рейтингісіне 2 қазақстандық ЖОО кірсе, 2015 жылы олардың саны 9 болды. 2015 жылы Thomson Reuters компаниясының Essential Science Indicators ақпараттық ресурсының деректері бойынша қазақстандық ғалымдардың соңғы онжылдықтағы 14 жариялымы әлемнің ең жоғары дәйексөз келтірілген мақалалардың 1% жатады. Қазақстан ЖОО аккредитациядан өту рәсіміне жылдан жылға белсенділік артуда. 2015 жылы ұлттық институционалдық аккредитациядан 72 ЖОО өтті, бұл 2014 жылмен салыстырғанда 6-ға артық. 2017 жылғы 1 қаңтардан бастап тәуелсіз аккредитиция рәсімінен өткен ЖОО-лар мемлекеттік аттестациядан өтуден босатылады («Білім туралы» ҚР Заңының 59-бабы)4. 2015 жылы Назарбаев Университетінің 380 бакалаврының алғашқы түлектері шықты. Түлектердің 2/3 бөлігі оқуды жетекші халықаралық университеттерінде жалғастырды. 2015 жылы ИИДМБ-2 жобалары үшін 1 900 магистрды даярлау басталды. Оқыту еліміздің 11 университетінің базасында экономиканың 6 маңызды саласы (металлургия, химия, мұнайхимия, машина жасау, материалдар құрылысы, тамақ өнеркәсібі) бойынша жүргізіледі. «Серпін - 2050» «Мәңгілік ел жастары - индустрияға» жобасының ЖОО саны 7-ден 19 дейін, ал мамандық саны 19-61 дейін көбейді. Гранттардың саны 5 000 орын болды. Сандық көрсеткіш - түлектердің жалпы санынан жұмысқа орналасқандардың үлесі Қазақстанда ЖОО ұсынатын қызметтер сапасы критерийлерінің бірі болып табылады. The Global Employability University Ranking, QS Graduate Employability Rankings жұмысқа орналасқандардың тек санын ғана емес (салмақтық коэффициенті - 10%), сонымен қатар ЖОО-ның жұмыс берушілер алдындағы беделін, бизнеспен ынтымақтастығын, студенттер мен өндірістің бірлескен жобаларын, университеттің базасында жұмыс берушілер кеңселерінің өкілдіктерін де ескереді (салмақтық коэффициенті - 15-тен 30%-ға дейін). Еліміздің ЖОО-да шетелдік студенттер үлесінің өсу үрдісіне қарамастан (2014ж. - студенттердің 1,9%, 2015ж. - 2,3%)5 бұл көрсеткіштің мәні әлемдік көрсеткіштерден әлі де төмен. Жоғары білім беру тартымдылығының ең жоғары көрсеткіштерін Австралия (18%), Ұлыбритания (17,5%), Швейцария (16,9%) және Австрия (15,5%) университеттері көрсетті. Шетелдік студенттердің анағұрлым көп санының абсолюттік мәні АҚШ-қа - 842 384, ҚХР-на - 712 157, Ұлыбританияға - 428 724, Австралияға - 266 048, Францияға - 235 123, Ресейге - 213 342, Германияға - 210 542 тиесілі6. «ЖОО және бизнестің ынтымақтастығы» сауалнамалық көрсеткіш бойынша Қазақстанның ЖБИ-да позициясы тұрақты төмен (2014ж. - 88-ші, 2015ж. - 88-орын)7. Бұл Қазақстанның ЖОО жүйесінің бұл бағытта үлкен резервтерінің барын дәлелдейді. жүктеу/скачать 1,77 Mb. Достарыңызбен бөлісу:
|