Бұл синдромда өкпе ауасы көбейіп, өкпе кеңейеді. Қарағанда: кеуде сарайы эмфиземалық, тыныс қимылы шектеледі. Пальпацияда: дауыс дірілі әлсірейді, кеуде сарайының серпімділігі төмендейді. Перкуссияда қорап дыбысы, өкпенің шеттері кеңейген,өкпе шетінің эксскурсиясы азайған. Аускультацияда: везикула тынысының әлсіреуі байқалады. Бұл синдром өкпе эмфиземасына және бронхастмасының ұстамасы кезінде кездеседі.
Өкпе ауасының азаюы синдромы
Өкпе ауасының азаюы өкпе тінінің басылуынан (ателектаз), қабыну инфильтрациясында ( өкпенің тығыздалуы) және өкпеде дәнекер тін өсуіне байланысты болады. Ателактаз ірі бронхтың бітелгенінен және өкпенің сырттан басылып, қысылуынан болады. Обтурациялық ателектазда қарау кезінде өкпенің бір жақты семуі мен ауру жақта дем алуының азаюы.Пальпацияда: дауыс дірілінің азаюы немесе жойылып кетуі болады. Перкуссияда: өкпе дыбысының әлсіреуі немесе тынық дыбыс анықталады.
