ӨКПЕНІҢ САЛЫСТЫРМАЛЫ ПЕРКУССИЯСЫ Өкпенің оң жақ және сол жақ симметриялы аймағында қалыпты жағдайда айқын өкпелік дыбыс болады. Кез келген асимметриялы дыбыс патологиялық процесті анықтайды. Алдыңғы жақтан салыстырмалы перкуссия өкпе ұшынан басталады. Ол үшін плессиметр – саусақ кезектесіп бұғана үсті ойыққа қойылады. Одан кейін 1,2,3 қабырғааралықтарына оң және сол жақтан қойылып, перкуторлы соққылар ұрылады. Сол соққылар салыстырылады. Сол жақтан бұғана орта,парастернальді сызықтар бойынша перкуссия 4 қабырғаға дейін жүргізіледі. Өйткені жүрек тұйықтығы болады. Оң жақтан 4 қабырғадан кейін де перкуссия жүргізіле береді. Қалыпты жағдайда сол жақ өкпе ұшында дыбыс қатты, өйткені оң жаққа қарағанда жоғары орналасады. Сол жақтан 3 қабырғааралықта, қалыпты жағдайда қысқа болады. Өйткені бұл жерде жүрек орналасады.
