10. Сауал-жауап
Сұрақ:
«Толғақ үстiнде қайтыс болған әйелге Ақыретте
шәһидтің мәртебесі беріледі» деген сөз бар. Осы рас па?
Жауап:
Иә, бұл рас. Бұл – ғұламалар айтқанындай, Аллаһ
тағаланың мархабатымен болатын iс.
Сұрақ:
Ананың өміріне қауіп төнгендiктен, баланы
бөлшектеп немесе өлі күйінде шығарудан басқа жол қалмаса, не
iстеген жөн?
Жауап:
Шын мәнінде, ана өмiрiне қауіп төнген жағдайда
бұлай жасау – міндет.
Сұрақ:
Егер дәрігерлер іштегі баланың мертіккенін яки мешел
екенін анықтаса, баланы алдырып тастауға бола ма?
83
Жауап:
Жоқ, болмайды. Сау баланы қалай жақсы көргендей,
оған да солай көңіл бөлу керек. Бұл – Аллаһ тағаланың
құзырындағы iс.
Сұрақ:
Жұрттың көбi қыз балаға қарағанда, ұл туғанда,
ерекше қуанып жатады. Бұл күнә емес пе?
Жауап:
Жоқ, күнә болмайды. Өйткені перзентке қуану адам
баласына тән мінез. Көптеген ерлі-зайыптылар бірінші
перзенттерінің ұл болуын күтеді. Мұнда ешбір оғаштық жоқ.
Аллаһ тағаланың бергеніне риза болып, ұл туса да, қыз туса да
реніш білдірмесе, жек көрмесе болғаны.
Сұрақ:
Жас жұбайларға «Тұңғыш перзенттерің ұл болсын!»
деп тілеу дұрыс па?
Жауап:
Негізінен, игі перзент тілеп, дұға еткені абзал.
Сұрақ:
Жаңа туған баланың ақиқасын бірталай уақыт өтіп
кеткеннен кейін союға бола ма?
Жауап:
Иә, кейбір ғұламалар «болады» деген пікір айтады.
Сұрақ:
Әйел дәрігер бола тұра, еркек дәрігерге барып
қаралған жүктi әйел күнәкар бола ма?
Жауап:
Иә, бұл – күнә. Өйткені амалсыз жағдайдан басқа
уақытта денесін бөгде еркекке ашып көрсету харам іс саналады.
|