82
9. Жеріктік
Жеріктік – психологиялық жағдай. Жеріктіктің белгісiн
әйелдің бойына бала біткен кездiң алғашқы күндерінде байқауға
болады. Олар: лоқсу, бір тағамнан немесе иістен жиіркену, бір
асты жеңсік көріп (көбiне-көп қышқылдықтарды) ерекше қалау.
Бұл жерде біз өзге мәселелерге емес, тек қана жеріктіктің ерлі-
зайыптының ара қатынастарына беретiн әсерiн баяндамақшымыз.
Жеріктік кезiндегi болатын көңіл күйдiң тұрақсыздығы, жүйке
мен дененiң әлсіреуі әйелдің сезіміне кері әсерін тигізетіні
жасырын емес. Тiптi бұл кейде төсек қатынасына да кері әсерін
тигізіп жатады. Өйткені бұл кезде әйел өз сезiмiне өзi ие
болмайтындықтан, еркектің иісін жақтырмай, жақындаған кезде
одан жиіркеніп тұруы мүмкін. Мұны күйеуін жек көргеннен емес,
көңіл күйінің мазасызданып тұрғандығынан деп білу керек.
Сондықтан бұл кездерде әйелге жеткiлiктi көңіл бөліп, онымен
санасқан жөн. Игi мiнездi еркек әйелінің жерік екенін білгеннен-
ақ оның бабын жасағаны абзал. Жерік әйел шамасы жеткенше
күйеуін риза етуге тырысуы керек. «Жеріктік» дегенiмiз –
аналықтың алғашқы белгісі екендігін, ал анаға мейірімнің тән
екендігін ұмытпаған жөн.
Достарыңызбен бөлісу: