Картоп өсімдігінің суды қажет етуі оның өсуі мен дамуы процесіне қарай өзгеріп отырады. Ол алғашқы өсу кезеңінде ылғалды онша қажет етпейді. Бірақ осы мезгілде шамадан тыс құрғақшылық болса, картоп тамырының дамуы нашарлайды. Картоп үшін топырақтың ең жақсы ылғалдылығы оның толық су сиымдылығының 70-80%-на тең. Топырақта ылғал көп болсада қолайсыз, өйткені бұл дақылға залалын тигізеді. Картоптың транспирациялық коэффиценті 600-650-ге тең.
Картоптың жақсы өсуіне ауа қажет. Топрақта ауа жетпеген жағдайда, оның жер астындағы сабағы бұтақтанып кетеді, түйнектіде кеш байлайды, баяу өседі және кешігіп піседі. Сондықтан картоп қара, қызыл-қоңыр топырақтарда жақсы өседі. Оған жақсы тыңайтылған құмдақ және саздақ топырақтар да жарайды.
