Картопты жинауға 10-15 күн қалғанда суару тоқтатылып, егер солып қалмаса жинау алдында КИР-1,5Б машинасымен оның сабағын шауып алады. Қазіргі кезде картоп түйнегін үш тәсілмен жинайды:
1. тасқынды жинау немесе тікелей комбайнмен жинау тәсілі – топырақ қанағаттанарлық деңгейде еленгенде және ылғалдылығы 12-23%- дан аспайтын жеңіл және механикалық құрамды топырақтарда қолданылады. Ол үшін Е-686, ККУ-2А комбайнмен жинап, КСП-15Б сорттау пункттеріне жеткізеді.
2. Бөлектеп жинау тәсілі - ауыр және ылғалды топырақтарда тікелей комбайнмен жинау мүмкіндігі болмағанда қолданады. Түйнектерді екі қатардан дестетүзгіш УКВ-2 құралымен дестеге салынады да кейін комбайнмен жиналады.
