Жүректің магнитті-резонансты томографиясы-жүрек аурулары кезінде жүрек ішін көруге болатын әдіс. Бұл әдіс арқылы ақпарат алуға болады

Жүректің магнитті-резонансты томографиясы-жүрек аурулары кезінде жүрек ішін көруге болатын әдіс. Бұл әдіс арқылы ақпарат алуға болады:

• Жүрек бұлшық еттерінің жұмысы туралы;
• Қақпақшалардың қызметі туралы;
• Жүрек камералары мен олардың қабырғалары туралы.
• МРТ арқылы қозғалмалы бейнені де көруге болатын болғандықтан,бүл әдіс арқылы жүректің сору қызметін, систола кезіндегі камералардағы өзгерісті,жүрек пен ірі қан тамырларындағы қан айналымды байқауға болады.

Оң жақ жүрекше мен оң жақ қарыншаның гипертрофиясы:

• Оң жақ жүрекше мен оң жақ қарыншаның гипертрофиясы:
• Үш жармалы қақпақшаның жеткіліксіздігі -оң жақ қарынша систоласы кезінде қақпақшаның толық жабылмауынан қанның бір бөлігі оң жақ жүрекшеге өтеді,сол кезде қуыс веналардан қалыпты мөлшерде қан келеді,сондықтан оң жақ жүрекше бірінші кеңейіп,кейін гипертрофияланады.Оң жақ қарынша диастоласы кезінде оң жақ жүрекшеден қайтқан қан мен қуыс венадан келген қан қосылып қалыптыдан көп қан оң жақ қарыншаға өтуі себебінен оң жақ қарынша кеңейіп,содан соң гипертрофияланады.

Сол жақ қарынша гипертрофиясы:

• Сол жақ қарынша гипертрофиясы:
• Қолқа қақпақшасының стенозы-сол жақ қарынша систоласы кезінде қан қолқаның тар тесігінен толық өтпей белгілі бір мөлшері қалып қояды,диастоласы кезінде қалған қанға сол жақ жүрекшеден қалыпты мөлшерде қан келіп қосылады.Бұл сол жақ қарыншаның толуы мен бұндағы қысымның артуына алып келеді.Бұндай бұзылыстан сол жақ қарыншаға көп күш түседі және гипертрофияланады.
• Қолқа қақпақшасының жеткіліксіздігі –сол қарынша диастоласы кезінде қан сол жақ жүрекшеден ғана емес,сонымен қоса қолқа қақпақшасының толық жабылмауынан қан қолқадан қайта келеді.Систоласы кезіндеқалыптыдан көп мөлшердегі қанды қолқаға айдау үшін үлкен күшпен жиырылуы қажет.Көп күш түскендіктен сол жақ қарынша гипеттрофияланады.

• Сол жақ жүрекше мен сол жақ қарыншаның гипертрофиясы: Митралды қақпақшаның жеткіліксіздігі -сол жақ қарынша систоласы кезінде митральды қақпақшаның толық жабылмауынан сол жүрекшеге белгілі бір мөлшерде қан қайтып келеді.Сол жүрекшеге қайтқан қанға өкпе веналарынан қалыпты мөлшерде қан келіп қосылады.Сондықтан жүрекшедегі қысым артып,кеңейіп, гипертрофиялануына алып келеді.Сол жақ қарынша диастоласы кезінде сол жүрекшеден қалыптыдан көп мөлшерде қан келеді. Сол қарыншаның артық күшпен жұмыс істеуінен сол қарынша да гипертрофияланады.