Зерттеу жұмысының ғылыми жаңалығы. Жұмыста бұрын арнайы зерттелмеген қазақ тілінің лексикология саласындағы тіл бірліктері – халықтық медицина терминдеріне этнолингвистикалық тұрғыдан сипаттама жасалынды. Қазақ тіліндегі халықтық медицина атаулары жинастырылып, бірінші рет тақырыптық топтарға қарай бөлініп, лексикалық құрамына қарай анықталды. Мәдени тіл бірліктеріндегі көрінісі сипатталды.
Зерттеудің теориялық және практикалық мәні. Халықтық медицина терминдерінің қазақ тіліндегі көрінісін эстетикалық таным тұрғысынан зерттеу ұлттық болмыстың құндылықтарын қарастыруға жол ашады. Зерттеу барысында қол жеткізген нәтижелер қазақ лингвоелтану, қазақ лингвомәдениеттану, этнолингвистика, т.б. тәрізді арнайы курс, семинарларда қолдану диссертацияның практикалық мәнін айқындайды.
