Шығармалары тарихпен тамырлас --------------------------------бет
Қараңғыдағы жалғыз----------------------------------------------- --бет
Күміс белдік ---------------------------------------------------------- бет
Мыс дария ----------------------------------------------------------- --бет
Алтын төс ------------------------------------------------------------ -бет
Жұлдызды өмір---------------------------------------------------- ---бет
Жуалы-Мыңбұлақ -------------------------------------------------- -бет
Қазақстан Жазушылар және Журналистер одағының мүшесі Мақұлбек Қайыпбекұлы Рысдәулет 1949 жылы 20 мамырда Жамбыл облысы, Жуалы ауданы, Бақалы ауылында дүниеге келген. Орта мектепті бітіргеннен кейін екі жыл колхозда еңбек етті. 1968-1973 жылдары Қазақ Мемлекеттік университетінің журналистика факультетінде білім алды. Журналистика саласындағы алғашқы еңбек жолын сол кезде жаңадан ашылған Жезқазған облыстық «Жезқазған туы» газетінде бастады. 1973-1991 жылдары Сарыарқа төрінде қаламын ұштады, кәсіпқой журналист ретінде шыңдалды. 1991-2005 жылдары республикалық «Халық кеңесі», «Заң газеті», «Егемен Қазақстан» газеттерінің Жамбыл облысындағы меншікті тілшісі ретінде облыс экономикасы мен мәдениеті, әлеуметтік тұрмысы мен проблемалары туралы жазды. 2004-2010 жылдары Жамбыл облыстық «Ақ жол» газетінің бас редакторы қызметін атқарды.
Ол журналистиканың барлық жанрларына қалам тартып келе жатқан журналист. Баубек Бұлқышев атындағы сыйлықтың лауреаты, Қазақстанның Құрметті журналисі, респуликалық, бүкілодақтық конкурстардың бірнеше дүркін жүлдегері.
Оның оннан аса кітабі жарық көрген. Сонымен бірге оннан астам ұжымдық кітаптарға очерктері мен әңгімелері, повестері мен хикаяттары, эсселері мен публицистикалық мақалалары енді. «Жұлдыздардың жарығы», «Күміс белдік», «Желсаз», «Жұлдызды өмір», «Ту ұстаушы», «Көңіл құсы», «Тарих тамырлары», «Мәңгіліг ерлік», тағы да басқа тарихи кітаптары оқырмандарына жасаған тартуы. Оның қазақтың біртуар азаматы, көрнекті ғалым, қайраткер Қаныш Имантайұлы Сәтбаев туралы деректі повесі Қазақстан Жазушылар одағы мен «Қазақмыс» корпорациясының Қарсақбай мыс қорыту зауытының 80 жылдығына орай жариялаған конкурсының проза жанры бойынша бас бәйгесіне ие болды. Оның бүкіл шығармасы нақты деректер мен дәйектерге құрылуымен құнды.
Жамбыл облысының Талас, Жуалы аудандарының Құрметті азаматы, Қазақстан Республикасының мәдениет қайраткері.
Достарыңызбен бөлісу: |
