Математика əдістемелік нұсқау

2.5.1.2. **Есептерді шығару барысында «баға», «мөлшер» (сан), «құн»; ұзындығы, ені, периметр шамаларының өзара тəуелділігін пайдалану.

•1-2 амалмен орындалатын есептерді шығаруды біледі.

•1-2 амалмен орындалатын есептерді шығару, есептің шартын кесте, сызба, қысқаша жазба түрінде жаза алады.

•1-2 амалмен орындалатын есептерді өз бетінше құрастырады жəне шығарады.

•сызбалар, кестелер мен қысқаша жазбалардағы берілгендер нені білдіретінін түсіндіре алады. Есеп бойынша құрылған өрнектер нені білдіретінін біледі.

Есептің шарты, кесте, сызба, қысқаша жазба, шешуі, жауабы.

Есеп екі (бір) амалмен шығатындай етіп сұрақты қалай өзгертуге болады?

Өрнектегі əр сан нені білдіретінін түсіндіріңдер.

Өрнектегі əр амал нені білдіретінін түсіндіріңдер.

Есептің шартын, шешуін жəне жауабын жазу.

Мұғалім оқулықтағы 1- тапсырмадағы мақалдарды оқиды. Мұғалім оқушылардан мақалдың мағынасын қалай түсінетіндерін сұрайды. Неліктен «Мақал – халық даналығы» деп айтылады?

Дəптердегі 1-тапсырма бойынша – мақалдардың мағынасын ашу.

Бүгінгі сабақта біз ерінбейміз, бəріміз бірге жұмыс жасаймыз жəне жақсы нəтижелерге қол жеткіземіз.

Диктантқа белгілі түрлердегі 1 амалмен орындалатын əртүрлі есептерді қосуға болады. Мысалы:

1. 
   Асқар қазір 19 жаста. 5 жылдан кейін ол қанша жаста болады?
   
2. 
   Маркердің ақшасын төлеу үшін Мақсат 20, 50 жəне 5 теңгелік монеталарды санап алды. Маркер қанша теңге тұрады?
   
3. 
   Алаңқайда 6 ұл оқушы ойнап жүр, ал қыздар 3 есе артық. Алаңқайда қанша қыз ойнап жүр?
   
4. 
   Еңбек сабағында Сырым 18 санау таяқшасын жасады. Олардың 12-сі қызыл, қалғандары көк түсті болды. Сырым еңбек сабағында қанша көк таяқша жасады?
   
5. 
   Мерекелік дастарқанды 16 адамға арнап жайды, бірақ 14 адам келді. Столдағы қанша артық құралды алып тастау керек?
   
6. 
   Көлде 8 аққу жəне бірнеше үйрек жүзіп жүрді. Барлығы 20 құс болды. Көлде қанша үйрек жүзіп жүрді?
   
7. 
   Көшенің бір бетіне 10 ағаш, келесі бетіне 8 ағаш артық отырғызды. Көшенің екінші бетіне қанша ағаш отырғызды?
   
8. 
   Қорапта 20 кəмпит болды. Таңғы аста 4 кəмпит желінді. Қорапта қанша кəмпит қалды?
   
9. 
   Маратта 16 машина бар еді, оған тағы 3 машина сыйлады. Маратта барлығы қанша машина болды?
   
10. 
    Маратта 16 мəшине бар, ал оның бауырында – 2 есе кем. Мараттың бауырында қанша мəшине бар? 11. Жоғарғы сөреде 5 кітап, ал төменгі сөреде дəл сондай жəне тағы 4 кітап бар. Төменгі сөреде неше кітап болды?
    

7-11

Суреттер мен сызбалар бойынша қарапайым есептер құрастыруды ұсыныңыз. Ары қарай мұғалім нақтылайды: екі амалдан тұратын есептер құрастыруға бола ма?

–Бүгінгі сабақтың мақсаты не?

(1 жəне 2 амалдан тұратын есептер құрастыруды жəне шығаруды үйрену.)

Мұғалім оқушылармен бірге оқулықтағы №1 тапсырмадағы есеп шарттарына суреттер таңдайды.

Бір себетке 5 қорап шырын сияды.

• 
  Есеп шығуы үшін қандай сұрақ қою керек?
  
• 
  Оны шешу үшін неше амал орындау қажет?
  

Жұмысты аяқтағаннан кейін мұғалім ішінара есеп нұсқаларын тыңдайды. Оқушылар есеп шешуінің дұрыстығын бағалайды.