Мазмұны нормативтік сілтемелер
жүктеу/скачать 5,46 Mb. Pdf көрінісі
|
disser (2)
| экрандық-дыбыстық құралдарды
, бейнекамераны пайдалана отырып кинофрагменттер немесе кинофильмдердің пленкасына жазып алуға, өзіндік бейнефильмдер түсіруге, қызықты адаммен кездесуді, оқиғалар туралы жедел репортаж жасауға, телебағдарламаларды, диакадрларды, кодотранспаранттардың бейнелерін, фондық жазбаларды, картаны, кестелерді, сызбаларды, тірі және жансыз табиғаттың кез келген объектілерін көрсетуге болады. Дайындалған бейнефильмді оқытушы оқу сабағында толық көрсете алады немесе студенттер назар аудару үшін көруді тоқтата алады, жазбаларды немесе қандай да бір тапсырманы орындай алады. Бейне жазбаларды қолдану арқылы сабақ барысында оқытушы мен студенттер арасында кері байланыс сақталады. Бейнежазбаларды білімді нақтылау және жинақтау, дәлелдеу дағдыларын қалыптастыру, студенттердің жауаптарын талдау, білімді бақылау үшін оқу сабағында бірнеше рет қайталауға болады. Студенттер өзін-өзі талдау, өзін-өзі түзету, жауабын қайта жазу, сөз сөйлеу, хабарламалар және т. б. үшін оларды бірнеше рет жеке көре алады. Өзін-өзі жазу және ойнату процесін басқарудың қарапайымдылығы студенттердің өзіндік жұмысының әр алуан түрлерін ұйымдастыруға мүмкіндік береді. Бейнежазбаларды қолданудың дидактикалық мүмкіндіктері оның айналасында топтастырылған басқа оқыту құралдарымен оңай үйлеседі. 97 Оқу бейнетаспаларының көмегімен оқытушы проблемалық жағдай туғызып, студенттерге танымдық немесе шығармашылық тапсырма шарттарын хабарлай алады. Оқу фильмін әзірлеу және түсіру студенттердің ұжымдық өзіндік шығармашылық жұмысының құралы бола алады. Бұл бүкіл топтың қызығушылығын тудырып қана қоймай, оны ұжымдық шығармашылық іске айналдыруға мүмкіндік береді, онда студенттердің жекелеген топтарының мүдделері мен мүмкіндіктері және әрбір тәрбиеленушінің жеке қажеттіліктері мен мүдделері ескерілетін болады. Оқытудың техникалық құралдары оқу сабақтарын өткізу деңгейін арттыратын оқытудың педагогикалық құралдары болып табылады, бірақ бүгінгі күні анағұрлым жетілдірілген техникалық құралдар бар. 2007 ж. қабылданған ҚР «Білім туралы» Заңында Білім беру мазмұны қоғамның жалпы және кәсіби мәдениетінің барабар әлемдік деңгейін қамтамасыз етуі тиіс, білім алушыда қазіргі білім деңгейі мен білім беру бағдарламасының деңгейіне барабар әлем картинасының қалыптасуы, тұлғаның әлемдік мәдениетке кірігуі туралы айтылған [ ??? ]. Бұл талаптар оқу процесіне жаңа ақпараттық технологияларды - есептеу және ақпараттық техниканы және арнайы бағдарламалық және әдістемелік қамтамасыз етуді қолдануға негізделген оқыту, тәрбиелеу, ғылыми зерттеулер мен басқару технологияларын енгізу қажеттілігін талап етеді. Компьютерлік технологияларды кеңінен енгізу қарқынды ақпараттандырылған оқытудың заманауи тұжырымдамасына сәйкес келеді, ол бір материалды бірнеше оқыту құралдарымен таныстырады, олардың әрқайсысы өзінің дидактикалық мүмкіндіктері бар. Оқытушы осы мүмкіндіктерді білуі, оқу материалын әртүрлі оқыту құралдары бойынша бөле білуі, олардың ішінен қойылған дидактикалық міндеттерді шешуге арналған жиынтықты қалыптастыруы тиіс. Оқу үрдісінде компьютерді қолданудың психологиялық, педагогикалық және әдістемелік аспектілері Е.Бидайбеков, К.Беркімбаев, Д.Исабаева, Н.Исабеков және т.б. жұмыстарында кеңінен зерттелген. Алайда, компьютерді оқытушының көмекші құралы ретінде әдебиетте дәрістік материалды ұсынуда қолдану мәселесі өте аз қарастырылған, компьютерді қолдану әдістемелері ескірген аппараттық және бағдарламалық қамтамасыз етуге негізделгенін атап өткен жөн. Мұның осы жылда пандемия уақытында білім алшырдың онлайн тртібінде қашықтан оқыту кезеңінде қарқынды байқалды. Қазіргі заманғы оқыту құралдары білім беруді ақпараттандыру тұжырымдамасына сәйкес келуі тиіс. Оқытудың жаңа ақпараттық технологияларына арналған әдеби көздерде ақпараттың негізгі терминдерінің әртүрлі анықтамалары беріледі. Бізді қызықтыратын терминдерді толық түсіндіру Е.Бидайбековтың жұмыстарында берілген деп санаймыз, онда ақпараттандыру деп есептеу техникасы мен байланыс құралдарын, ақпараттық технологияларды, сондай-ақ 98 тиісті бағдарламалық қамтамасыз етуді қолдана отырып, ақпаратты мақсатты өңдеуге байланысты процестер мен құбылыстар жиынтығы ретінде түсіндіріледі [ ]. Педагогикаға қатысты білім беруді ақпараттандыру туралы мәселе туындайды, біз білім беру процесіне әлемдік қоғамдастықтың талаптарына сәйкес келетін ақпараттық технологияларды енгізуді, есептеу және ақпараттық техниканы кеңінен қолдану негізінде мамандардың жалпы білім беру және кәсіби даярлығының сапасын арттырудың қажеттілігін түсінеміз. Білім беруді ақпараттандыруды қолданудың нақты нысандары мен тәсілдерін бөлу үшін "оқытудың компьютерлік құралдары" ұғымын пайдалану қажет. Алайда бұл ұғым нақтылауды талап етеді. Білім алушы оқу ақпараттарын тасымалдаушы-оқыту құралдарымен белсенді өзара іс-қимыл жасайтын қызмет субъектісі ретінде қарастырылуы тиіс екендігін ескеру қажет. Оларда оқытудың педагогикалық өңделген мазмұны шоғырланған. Дидактикалық міндетті шешу үшін пайдаланылуы мүмкін оқыту құралдарының жиынтығын - оқу ақпаратының жүйесін қалыптастырады. Оқыту құралдары жиынтығының құрамдас бөлігі – оқытудың компьютерлік құралдары болып табылады, біз оларды осы заманғы есептеу техникасы (компьютерлік) базасында жұмыс істейтін бағдарламалық-аппараттық құралдар мен құрылғылардың, сондай-ақ оқу ақпаратымен ақпараттық алмасу құралдары мен жүйелерінің жиынтығы ретінде түсінеміз. Мультимедиялық кешенді оқытуға қатысты оқытудың компьютерлік құралдарының құрамын қарастырайық. жүктеу/скачать 5,46 Mb. Достарыңызбен бөлісу:
|