Мдо-141 2-курс Күні: 17. 03. 2016ж. Тақырыбы

Жаңа сабақ жоспары:

1. Тәуелсіздікті жариялаған заң

2. ҚР рәміздері,ҚР –ның Ұлттық валютасы,Мемлекеттік шекараны белгілеу

3. Жаңа Астана

бөлімі.

2. «Картамен жұмыс»

3. «Ойлан тап» ойыны

1.Сәлемдесу.

2. Оқушылардың назарын сабаққа аудару.

Әнұран айтылады.

Мұғалім сөзі:

Бүгінгі біздің ашық сабағымыздың тақырыбы «1991-2009 ж.ж. Қазақстанның саяси дамуы». Жүздеген жылдар бойы Ресей империясының қол астында болып келдік. Ата-бабамыз ғасырлар бойы аңсаған тәуелсіздікті 1991 жылдың 16 желтоқсанында алдық. Бұл қазақ халқы үшін үлкен жетістік болды.Бүгінгі ашық сабағымыз ҚР 25 жылда жеткен жетістіктеріне тоқталамыз.Осынау 25 жылдың ішінде Қазақстан Республикасы ішкі және сыртқы саясатта қандай жетістіктер мен табыстарға жеткендігі туралы бізге МДО-141/152 оқу тобының студенттері баяндап береді.

1991 жылдың 16 желтоқсанда «Қазақстан Республикасының Мемлекеттік тәуелсіздігі туралы» Қазақстан Республикасының Конституциялық заңы қабылданды.Тәуелсіздік туралы Конституциялық заңының 1-бабында Қазақстан республикасы тәуелсіз, демократиялық құқықтық мемлекет деп жарияланды.республика өз аумағында үкімет билігін толық иемденуге, ішкі және сыртқы саясатын дербес жүргізіуге құзырлы болды.Тәуелсіздік туралы заңның негізгі мәні 18 баптан тұратын жеті тарауда айқын көрсетілді.Бұл тарихи оқиға қазақ халқының тәуелсіздік жолындағы ұзақ жылдарға созылған күресінің заңды көрінісі болды.

Республиканың егемендігін жариялауға байланысты енді президентті бүкіл халық болып сайлау қажеттігі туды.Осыған орай, Қазақ КСР Жоғары Кеңеңс 1991 жылы 16 қазанда қаулы қабылдады.Бұл қаулы бойынша перзиденттікке кандидаттарды, тіркеу қарашаның 10-ына дейін, ал сайлау желтоқсаннның 1-і күні өтетін болып белгіленді.

Республика тұрғындарының ішінде сайлау құқығы барлардың 88,23%-ы дауыс беруге қатысып, олардың 98,78%-ы Н.Назарбаевты жақтап шықты.Желтоқсанның 10-ы күні Н.Назарбаев республика сарайында салтанатты түрде ант қабылдап, ҚР халық сайлаған Президент ретінде ресми түрде іске кірісті.

Мұғалім: 25 жыл уақыт өтсе де, елімізде тұңғыш сайланған Президентіміз ел басында.

Н.Назарбаев 1992 ж.4 маусымда «Қазақстан Республикасының Мемлекеттік Туы туралы» , «Қазақстан Республикасының Елтаңбасы туралы» және «Қазақстан Республикасының Әнұранының музыкалық редакциясы туралы» заңға қол қойды.

2006 жылдың 6 қаңтарында Қазақстан Республикасы Парламенті Мәжілісі мен Сенатының бірлескен отырысында жаңа Әнұранқабылдау туралы айтылды. Заң жобасын талқылау барысында бірқатар депутаттар «Менің Қазақстаным» атты жаңа Әнұранның авторлар құрамына Н.Назарбаевты ресми түрде қосу туралы ұсыныстарын білдірді.Парламентте жаңа мәтінің авторлары болып Ж.Нәжімеденов пен Н.Ә .Назарбаев бір ауыздан бекітілді.

ҚР Ата заңы.

Еліміз егемендік алғаннан бері екі Конституция қабылданды.Оның біріншісі -1993 жылы қаңтарда өмірге келді.1995 жылы 30 тамызда бүкілхалықтық дауыс беру арқылы (референдумда) еліміздің жаңа Конституциясы қабылданды.Жаңа конституцияға оның алдыңғысымен салыстырғанда көптеген өзгерістер енгізілді.Егер бұрынғы Ата заң 4 бөлім, 21 тарау, 131 баптан тұрған болса, кейінгісі 9 бөлімнен, 98 бааптан тұрады.Онда елеміздің экономикалық күш-қуаты мен мүмкіндіктері ғылыми тұрғыдан тиянақталып, халықтың әлеуметтік топтарына тиісті кепілдікті құқықтар беретін көкейтесті мәселелерді шешу ескерілді.

Өткен ғасырлардағы алапат зұлмат-қазақ даласына ядролық сынақ алаңына айналуы еді.Сонау 1949 жылдың тамызында таңғы сағат 6.30-да Семей полигонында жергілікті халыққа ескертілместен, жер үстінде, қуаттылығы 30 килотонна болатын атом жарылысы орын алды.Еліміз тәуелсіздікке қол жеткізгеннен кейін, 1991 жылы дәл 29 тамызда ҚР Президенті Н.Ә.Назарбаев Семей ядролық полигонын жабу туралы Жарлыққа қол қойды.

1993 ж. қарашаның 15-күні Президент Н.Ә.Назарбаев ҚР Конституциясы мен Жоғарғы кеңес берген өкілеттігіне сәйкес, 15 қарашада елімізде ұлттық-валюта енгізді.Осы сәттен бастап Қазақстан республикасы мемелекеттік тәуелсіздіктің келесі және маңызды баспалдақтарының біріне көтерілді, ұлттық валютасы бар елге айналды.Ұлттық валюта-теңгенің айналысқа енгізілуінің әлеуметтік-рухани маңызы зор болды.

Қазақстан республикасы тәуелсіздік алғаннан кейін өз аумағын, мемлекеттік шекарасын анықтауға кірісті.1993 жылдың 13 қаңтарында ҚР «Мемлекеттік шекара туралы» заң қабылданды.Қазақстан мен Қытай арасында ұзындығы 1782 шақырымнан астам қашықтықты құрайтын шекара анықталды.Бүгінгі таңда қырғызстан, Түрікменстан және Өзбекстан елдерімен шекараны межелеу мәселесі толығымен реттелді.Шекараның ұзындығы-Қырғызстанмен шамамен 1242 шақырым, Түрікменстанмен -426 шақырым, Өзбекстанмен 2351 шақырымды құрайды.қазақстан-ресей шекаралары құрлықтағы ең ұзын шекара болып табылады.Оның ұзындығы 7591 шақырым.

Қазақстан Республикасы мемлекеттік тәуелсіздігін жариялаған соң, Қорғаныс комитеті құрылды.Оның құзырына Қазақстан аумағында орналасқан бұрынғы КСРО қарулы күштерінің әскерлері мен қару-жарағы қарады.1997 жылы 7 мамырда Республика Президентінің Жарлығымен Қорғаныс комитеті ҚР Қорғаныс министрлігі болып қайта құрылды.Тәуелсіз Қазақстанның алғашқы қорғаныс министрі болып генерал-лейтенант С.Нұрмағамбетов сайланды.

Ұлттық тарихи ескеркіштерді қайта жаңғырту.Ұлттық мәдениет үшін айрықша мәні бар мынадай ескерткіштерді «Абат-Байтақ», «Айша-бибі» кесенелеріне, Қараман ата, Шопан ата сағаналарына,Ақыртас және Баба ата сарай кешендеріне кешенді ғылыми-мәдениеттану зерттеулерін ұйымдастыру орын алды.Қазақстан мен Сирия, Египет елдері арасында үкіметаралық келісімге қол қойылды және Дамаск қаласындағы қазақ этномәдени орталығының әл-Фараби кесенесінің құрылысы, Каир қаласындағы Бейбарыс сұлтан кесенесін қалпына келтіру жобалары іске асуда.2007 ж.Қазақстан аумағында 20 тарихи, мәдени мңызы бар ескерткіштерді қалпына келтіру жұмыстары жүргізіліп, соның ішінде 9 обьек-мазарда, «Абылай хан ордасы» кешенінде, Семей қаласындағы бір және қос мұнаралы мешіттерді қалпына келтіру жұмыстары аяқталды.32 көне қаланың, қоныстар мен қорғандарда археологиялық зерттеулер жүргізілді. «Есікқорғандары», «Берел» мемлекеттік тарихи-мәдени қорық мұражайларын құру жұмыстары жүргізілді. 2004-2007ж. елді мекендерге жақын орналасқан 40-қа жуық ескерткіш қайта жаңартылды. Олардың ішінде Айша бибі, Арыстанбаб, Есім хан кесенелері, Үшарал, Аққойлы медресе-мешіттері және т.б бар.

1992 жылдың наурыз айында Қазақстан дүниежүзі мемлекеттерінің басын қосып, оларды жарқын идеаларға бағыттап отырған ең мәртебелі ұйым-Біріккен Ұлттар Ұйымына толыққанды мүше болып қабылданды.Нью-Йорктегі БҰҰ-ның зәулім ғимараты алдындағы алаңда дүниежүзі мемлекеттерімен бірге қазақстанның да аспан түстес көк жалауы желбіреп тұратын болды. Қазақстан халықаралық қайта құру және өркендеу банкіне, Халықаралық валюта қорына, ЮНЕСКО-ға мүше болып кірді.

ҚР Президентінің Жарлығымен және Парламенттің қаулысымен 1997 жылы10 желтоқсанда Ақмола қаласы Қазақстанның астанасы болып жарияланды.Астана қаласының жалпы аумағы республиканың 0,03%-ын , яғни 710,2 шаршышақырымды құрады.Астана қаласының басты белгісі – «Бәйтерек» монументі 2002 жылы бой көтерді.Биіктігі -105 метр, Бұл композицияның жоғарғы бөлігінде үлкен шар-аспанды бейнелейді.

Қазақстан-демократиялық зайырлы ел. Дін мемлекеттен ажыратылған. Алайда ҚР демократиялық ел болғандықтан, діни сенім бостандығы адам құқығы ретінде мойындалып отыр. Сондықтан қазақстанның азаматы өзі қалаған дінді қабылдай алады. Біздің елімізде, негізінен, екі дін дәстүрлі сипатқа ие.Ол қазақтардың және түркі халықтарының ата-бабасынан бері ұстанып келе жатқан-ислам діні және славян халықтарының христиан діні.

Жыл басында елімізде 3175 діни ғибадат орыны тіркелсе, оның

2267-сі- мұсылман мешіттері,

263-православиялікшіркеу,

89-католик шіркеуі,

541- протестанттық шіркеуі,

1-буддистік храм.

Қазақстан республикасы тәуелсіздігін алғаннан кейін еліміз бірден нарықтық экономикаға көшті.нарықтық экономикаға көшу үш кезеңнен тұрды. Қазіргі таңда еліміз толықтай нарықтық экономикаға көшіп болды.нарықтық экономикаға көшу нәтижесінде елімізде әртүрлі компаниялар, акционерлік қоғамдар, фирмалар жұмыс атқаруда.оның ірілері «ҚазМұнайГаз», КЕГОК, «Қазақтелеком», «Қазақстан теміржолы». Сонымен қатар шағын және орта бизнес кң ауқымды тараған.»Рахат» кондитер фабрикасы, «адал» сүт өнімі, «Ақсай» нан өнімдері.Елімізде әртүрлі банктер жұмыс атқаруда.Олар Халық Банк, Нұрбанк, Каспи банк, Альянс банк, БТА, және т.б.

Еуропа мен американың 35 елінің мемлекеттері мен үкіметтері басшылары Хельсинкийге жиналып, ЕҚЫҰ-ның қорытынды актісіне қол қойған.1975 жылғы тамызда ресми түрде рәсімделді.1992 жылдың 30 қаңтарында Қазақстан ЕҚЫҰ-ға мүше болып енді.1999 жылы қаңтарда алматыда ЕҚЫҰ-ның орталығы тұрақты түрде жұмыс істей бастады.2010 жылы Қазақстан республикасы ЕҚЫҰ-ға төрағалық етті. Төрағалық кезінде үлкен жұмыстар атқарды.ҚР әлемдік елдер тани білді.Ауғанстанға гуманитарлық көмек берді, ал Қырғызстандағы үлкен жанжалды шешеуге бар күшін салды.