Микробиология
жүктеу/скачать 1,43 Mb.
|
УМКД Микробиология 2018
| Жинақтаушы орталарды голландиялық ғалым М. Бейеринк ұсынған. Ол зерттеушіні қызықтырған ортаның компонентін артығымен қосып дайындап, қандай микроағза немесе микроағзалар тобы оны пайдаланады, ол немесе олар осы ортада қаншалықты басым болатынын анықтауға мүмкіндік береді. Оңтайлы орталарды А. А. Имшенецкий целлюлозаны ыдыратушы микроағзалар үшін, В. С. Буткевич – лимон қышқылын өндіруші Aspergillus niger үшін ұсынған. Оңтайлы ортаның негізгі принципі ортаның құрамына әртүрлі өсуді ынталандырушы қоспаларды (дәрумендер, өсуді реттеуші заттар, микроэлементтер) қосып, таңдап алынған микроағзаларға барынша жағымды жағдай жасау болып табылады.
Микроағзаларға арналған қоректік ортаны даярлауда олардың қорек қажеттілігін білудің маңызы зор. Қоректік орталар табиғи және жасанды деп екіге бөлінеді. Табиғи орталарға өсімдік текті (жеміс – жидектер, көкөністер, олардың қайнатпасы) және жануар текті (сүт, ет, тауық жұмыртқасы) өнімдер жатқызылады. Бірақ көбінесе тәжірибелерге жасанды қоректік орталар, яғни, минералды тұздар немесе минералды тұздардың органикалық қосылыстармен (көмірсу, амин қышқылдары, органикалық қышқылдар) қоспасы түрінде пайдаланылады. Қоректік ортаның консистенциясына қарай үш топқа жіктеледі: сұйық, жартылай сұйық және қатты. Қатты қоректік орталарды микроағзалардың санын санау үшін, олардың таза культурасын бөліп алу үшін және т.б. мақсаттарға қолданады. Мұндай орталарды сұйық етіп дайындап, 1,5-2,5% агар-агар немесе 10-15% желатина қосу арқылы қатырады. Жартылай сұйық ортаға 0,1-0,2 % агар-агар қосады. Агар-агар – теңіз балдырларынан алынатын өсімдік текті коллоид. Оның құрамына негізінен полисахарид кіреді, ал азоттық заттардың мөлшері өте аз болады. Желатина – сүйек пен шеміршекті қайнату арқылы алынатын қышқыл азоты бар өнім. Қатты қоректік ортаны алу үшін кейде С.Н.Виноградский микробиология практикасына енгізген гелді пластинкалар да қолданылады. Азоттың органикалық формасын пайдаланатын микроағзаларды өсіру үшін ет-пептонды орталар қолданылады: ет-пептонды сорпа, ет-пептонды агар және ет-пептонды желатина. жүктеу/скачать 1,43 Mb. Достарыңызбен бөлісу:
|