Глоссарий Азот сіңіру – атмосфералық азоттың аммиакқа айналуы. Тек прокариот жасушасынан табылған нитрагеназа ферментімен катализденеді.
Анаэробты микроағзалар – оттегінің қатысуынсыз тіршілік ететін микроағзалар.
Антибиотиктер — әр түрлі микроағзалардың дамуын тежеп, тіпті құртып жіберетін микробтан бөлінетін заттар.
Антиген – ағзаның бөтен дене ретінде қабылдайтын және иммундық жауап беруін, яғни, антиденелердің түзілуін тудыратын заттар.
Аскокарп– аскомицеттердің қалталары мен аскоспоралары болатын спора түзуші құрылымы. Мұндай құрылымдарға мысал ретінде клейстотеция мен перитецияны айтуға болады.
Аскоспора — аскомицеттер деп аталатын микроскоптык, саңырауқұлақтардың споралары орналасқан орын (аск — дорба деген сөз). Бұл жыныстық көбеюдің соңғы сатысы. Көптеген аскомицеттер жыныссыз жолмен -конидиймен көбейеді.
Ауа гифалары– агарлы қоректік ортаның бетінде түзілетін гифалар.
Базидиоспора – базидиомицеттердің жынысты көбеюінде базидийлерінің жоғары жағында түзілетін спора.
Бактериофаг (фаг)– бактерияға жұғатын вирус.
Бинарлық бөліну– жынысты көбеюімен байланысы жоқ прокариот жасушаларының бірдей сіңлілі жасушаларға тікелей бөлінуі.
Биодеградация– қоршаған ортаға түскен ластаушы заттардың тірі микроағзалар көмегімен ыдырауы.
Биомасса – тірі ағзалардың тіршілік әрекеті нәтижесінде түзілетін жасуша массасы.
Биореактор, ферментер–тірі ағзалар, жасуша экстракты немесе ферменттердің қатысуымен биохимиялық реакциялар жүретін қондырғы. Бұл термин көбінесе микроағзаларды өсіруге арнаған ыдыстарға арналады.
Вакцинация– ағзаға инфекциялаушы агентке қарсы антиденелердің түзілуін тудыратын антигенді енгізу.
Вирион – вирус бөлшегі.
Вируленттілік – микроағзаның патогендік сипаты.
Генерация уақыты– бір жасушалы ағзалар популяциясында жасушалар санының екі еселену уақыты.
