Модуль1 Дәріс -1 Білім берудің мемлекеттік құжаттары
жүктеу/скачать 229,29 Kb.
|
дәрістехн
Сабақ стандарты
Жаңа сабақ үлгісінің ерекшелігі - сабақтың мақсаты мен нәтижесі арасындағы байланыс қарастылады. Сабақта үш мақсат емес (білімділік, дамытушылық, тәрбиелік), бір мақсат (ол сұрақ түрінде берілуі тиіс, сонда ғана ол тақырыптың проблемасын, өмірлік мәселені шешуге ықпал етеді), үш міндет: білім, білік, дағды және нәтиже ретінде құзыреттілік жоспарланады. Мысалы:М.Әуезовтың «Көксерек» әңгімесі бойынша мынандай проблема қоюға болады: Көксерек кінәлі ме? Оқушылар адвокат, прокурор, айыпкер, күәгер рөлдеріне бөлініп мәтінмен жұмыс жасайды. Күтілетін нәтиже: Табиғаттың, қоғамның өз заңдылықтары бар, өмірде соған орай әрекет етуді түсіну. Құзыреттілік: Жабайы аңды үйде өсіруге болмайды. М.Әуезовтың «Қорғансыздың күні» әңгімесі бойынша қойылатын проблема: Тығырыққа тірелген қыздардың бәрі өз-өзіне қол жұмсауы дұрыс па? Білім саласындағы жаңа идеялар сабақтың құрылымымен тығыз байланысты, егер сабақ өзгерсе ,онда білім мазмұнын игеру процессі-үдерісі өзгереді, сол арқылы оқушы да өзгереді. Аталған идеялар базалық мектептер тәжірибесінде іске асырылады. Студенттермен өткізілетін практикалық сабақтар мен семинарларда, базалық мектептерде өтетін сабақтарда құзыретті тапсырмалар құрастыру әдістемелерін, нәтижеге бағыттап оқыту технологияларын игеру көзделеді. Инновациялар практикаға ену үшін базалық мектептерде эксперимент жұмыстары жүйелі жүріп, коучинг қызметіне сүйенеді. Коучер-«қара», «қосыл», «өзің жаса» деген үш кезеңде өтетін сабақтар жүйесін іске асырады. Бұл жерде Lesson study тәсілін де пайдалану тиімді. Біздің тәжірибемізде ашық сабақты талқылауда мақтаулар көбірек орын алады , ал осы тәсілді ойлап тапқан жапондықтар білім сапасын жақсарту үшін мұғалімдердің пайдаланатын әдіс-амалдарын бірлесіп талқылау, жүйелеу, зерделеу, зерттеуді қолға алған. Сондықтан бұл тәсілдің қазақшасы «сабақты зерттеу» емес , «сабақтағы зерттеу» деген дұрыс деп есептейді отандық ғалымдар. «Оқылық, оқылық оқығанды көңілге ықыласпен тоқылық!»-деп ұлы Ы.Алтынсарин айтқан екен. Білімді «тоқуға» заманауи әдістемелер және инновациялық технологиялардың, электрондық оқулықтар және түрлі сандық ресурстардың мәні мен ықпалы зор. Пәндерді кіріктіріп оқытуда сыни тұрғысынан ойлау стратегиялар мазмұны ашылады. Олар: Инсерт, Кластер, Синквейн, Венн диаграммасы, Екі жақты күнделік, Миға шабуыл, Блум таксономиясы.Оларға қосымша жобалау технологиясы, деңгейлік оқыту, жеке және топтық жұмыс, рольдік ойын, т.б. жүктеу/скачать 229,29 Kb. Достарыңызбен бөлісу:
|