54
Тапсырмалар
1.
Өскен бидай тамырынан препарат жасап, препараттан тамыр
оймақшасын, бөліну, созылу, сору, өткізу аймақтарын анықтау. Тамыр
аймақтарының суретін салу, тиісті белгілермен белгілеу.
2.
Құртқашаш немесе қырлышөп тамырының көлденең кесіндісінен
уақытша препарат дайындап, тамырдың анатомиялық алғашқы
құрылысымен танысу.
3.
Асқабақ тамырының өткізу аймағының көлденең кесіндісінен
уақытша препарат дайындап, тамырдың соңғы анатомиялық
құрылымын қарау.
4.
Қаралған препараттардың суретін салып, тамырдың алғашқы және
соңғы анатомиялық құрылысын салыстыру.
Қайталау сұрақтары
1.
Тамыр оймақшасының құрылысы қандай?
2.
Тамырдың бөліну аймағы қандай қызмет атқарады?
3.
Тамырдың созылу аймағында алғашқы түзуші ұлпаның қандай
қабаттары бар және олардың қызметі қандай?
4.
Тамыр түгі қалай пайда болады және ол қандай қызмет атқарады?
5.
Ризодерманың атқаратын қызметі қандай?
4.3
Өркен және бүршік
Жоғары сатыдағы өсімдіктердің жапырақ және бүршіктер
орналасқан сабағы өркен деп аталады. Өркен негізінен сабақтан және
онда орналасқан жапырақтардан тұрады. Сабақ пен жапырақ төбе
меристемасынан бір мезгілде пайда болады және тұтас бір мүше
өркенді түзеді. Өркеннің барлық құрамды бөлшектері біртұтас түзуші
ұлпа шоғынан пайда болады да бір-бірінсіз тіршілік ете алмайды.
Буыннан шыққан жапырақ пен жоғары өсетін сабақ арасындағы
«бұрыштық» кеңістікті жапырақ қойнауы деп атайды. Сабақ
бойындағы буын және буынаралықтар белгілі бір ретпен, өсу
бағытында қайталанады да өзара ұқсас, құрылымды бөлімдер
метамерлер (гр.
Достарыңызбен бөлісу: