Об утверждении Типовой учебной программы дошкольного воспитания и обучения
жүктеу/скачать 286,49 Kb.
|
| Параграф 5. I -жарты жылдық
56. Тілдік емес дыбыстау: екі буынды ырғақтарды дәл айту (Тата, таТА); есту және естіп-көру негізінде 3-4 дыбыстаулардың санын анықтау; есту арқылы таңдау бойынша музыкалық ойыншықтардың дыбыстауларын ажырату; есту арқылы дыбысталу темпін ажырату (шапалақ ұру, ритмді қағу, дабыл қағу); ара қашықтығы тұрақты арттырылған тілдік емес дыбыстауға деген реакциясы (жалаң құлаққа); баланың немесе педагогтің дауыспен, қимыл – қозғалысымен нені бейнелеп, көрсеткенін табу. 57. Тілдік дыбыстау: дыбыс қатарынан дауысты дыбыстарды бөлу; дыбыс қатарынан дауыссыз дыбыстарды бөлу; есту арқылы тапсырмалар мен нұсқауларды орындау; есту арқылы толық сөздерді тану; есту арқылы сөз тіркестерін тану; есту арқылы дыбысқа еліктеулерді, былдыр сөздерді тану; қарама-қарсылық (контраст) принципі бойынша дауысты дыбыстарды ажырату; артикуляциялануы бойынша ұқсас дауысты дыбыстарды ажырату; есту арқылыдыбысқа еліктеулерді, былдыр және толық сөздерді айыру (2-3 таңдау бойынша); есту арқылы 2 таңдау бойынша қысқа сөз тіркестерін табу; ашық буында артикуляциялануы бойынша ерекшеленетін дауыссыз дыбыстарды ажырату; дыбыстың шығу орнынан ара қашықтығы тұрақты арттырылған тілдік сигналға деген реакциясы (жалаң құлаққа); буынды бірқатардан бір буынды бөлу. 58. Ауызша сөйлеу тілін қалыптастыру: буындар мен сөздер материалында дауысты дыбыстарды машықтандыру (автоматтандыру); буындар мен сөздер материалында дауыссыз дыбыстарды машықтандыру (автоматтандыру); дыбыстарды, буындарды және қысқа сөздерді артикуляциялау және қимыл-қоғалыспен қайталау; буын, сөз, (сөздің бөлшегі) ұғымдарын меңгеру және осы түсініктерді пайдалану білігі; әр түрлі темпен, түрлі қимылдардың сүйемелдеуімен буындарды айту. буындар мен сөздер материалында дауысты дыбыстарды айыру (дифференциациялау); еліктеу арқылы дауыс биіктігін өзгерту; эмоциялық жай-күйлерді, адамдарға тән мінездерді, жануарлардың қылықтарын ұқсатырып көрсету; әр түрлі сезімдерді тек дауыспен емес, мимикамен, дене қимылымен, табиғи ым-ишаралармен көрсету; еліктеу арқылы қалыпты, жоғары, төмен дауыс биіктігімен дауысты дыбыстар мен буындарды айту; І концентр бойынша дауысты, дауыссыз дыбыстарды айту; фонетикалық ырғақтықтың көмегімен айту темпін өзгертіп қалыпты, тез және баяу қарқынмен буындарды айту; екі сөзден тұратын сөз тіркестерін айту; фонетикалық ырғақтықтың көмегімен буындарды бірге қосып айту; сөздік екпінді сақтау; көру арқылы екі, үшбуынды ашық буындардан тұратын сөздерге ырғақтық сипаттама беру білігі; берілген дыбысқа сөздер таңдау білігі. Сөздік: Қатты сөйле (айт). Ақырын сөйле. Мен қалай айттым? – Ақырын. Тез. Баяу. Қонжықты көрсет. Көжекті көрсет. Қанша дыбыстау? – 3. Қайтала. Мен сияқты жаса. Не дыбысталды? Дауыс, дабыл, дауылпаз, сыбызғы, ысқырық, металлофон, шарманка. 59. Күтілетін нәтижелер: екі буынды ырғақтарды дәл айтады (Тата, таТА); әр түрлі темпен, түрлі қимылдардың сүйемелдеуімен буындарды айтады; сөздегі екпінді буынды сақтап айтады; есту және естіп-көру арқылы тапсырмалар мен нұсқауларды орындайды; дауыс биіктігін өзгертеді; эмоционалдық жай-күйлерді, адамдарға тән мінездерді, жануарлардың қылықтарын ұқсатып көрсетеді; әр түрлі сезімдерді көрсетеді; қоршаған ортағы дыбыстарды таниды; қысқа сөз тіркестерін естіп таниды (дыбыс күшейткіш құралмен және жалаң құлақпен); есту арқылы толық сөздерді, сөз тіркестерін таниды; есту және естіп-көру негізінде шамамен 3 дыбыстаудың санын анықтайды; бір дем шығаруда 2-3 толық сөздерден тұратын сөз тіркестерін айтады; есту арқылы дыбысқа еліктеулерді, былдыр және толық сөздерді ажыратады (2-3 таңдау бойынша); есту арқылы 3-4-тен таңдау бойынша музыкалық ойыншықтардың дыбысталуын ажыратады (дыбыс күшейткіш құралмен және жалаң құлақпен); есту арқылы 2-ден таңдау бойынша қысқа сөз тіркестерін ажыратады (дыбыс күшейткіш құралмен және жалаң құлақпен); есту арқылы дыбысталу темпін ажыратады (дыбыс күшейткіш құралмен және жалаң құлақпен); баланың немесе педагогтің дауыспен, қимыл – қозғалысымен нені бейнелеп, көрсеткенін табады. жүктеу/скачать 286,49 Kb. Достарыңызбен бөлісу:
|