Об утверждении Типовой учебной программы дошкольного воспитания и обучения

11. Бағдарламаның мақсаты - ақыл-ой мен коммуникативті қызметтің негізгі компоненттерінің бірі ретінде сөйлеу тілін дамыту; тілдің базалық құндылықтарын (заңдылықтарын) игеру; мәдени-әлеуметтік өзара қатынас және қоршаған ортамен вербалды (ауызша) және вербалды емес (ауызша емес) құралдардың көмегімен қарым-қатынас жасауды қалыптастыруға дайындау.

12. Бағдарламаның міндеттері:

1) ересектер және құрдастарымен тілдесуде сөйлеу тілінің вербалды және вербалды емес түрлерін дамыту;

2) нақты сөйлеу жағдайында әр түрлі қарым-қатынас құралдарын қолдана білуді дамыту;

3) сөйлеу әрекетінің түрлерін дамыту (айтылым, тыңдалым, оқылым, жазылым, дактилдеу, естіп-көру түйсігі);

4) сөйлеу тілі арқылы өз әрекеті мен мінез-құлқын реттеу біліктерін қалыптастыру;

5) күнделікті қарым-қатынаста және арнайы ұйымдастырылған сабақтарда тіл мәдениетіне тәрбиелеу;

6) тілдік қабілеттерін дамыту: ауызша сөйлеу тілін қабылдаудың сенсорлық негіздері; ересектердің заттық және сөйлеу іс-әрекеттеріне еліктеу; тілдік қатынаста кез келген игерілген сөйлеу әрекеті мен құралдарды қолдана білу; мағынасы белгілі сөздерді ауызша, жазбаша, дактильмен сәйкестендіру; сөйлеу түрлерінің ұқсас тұстарын таңдап қолдана білу.

13. Тіл дамыту бағдарламасы келесі бөлімдерден тұрады:

1) Қатынас.

2) Қабылдау /сөйлеу тілін түсіну.

3) Айтылым.

4) Оқылым.