Параграф 4. «Қатынас» білім саласы

27. Бағдарламаның мақсаты: есту қабілеті зақымдалған мектеп жасына дейінгі балалардың естіп қабылдау дағдыларын (есту-көру және есту арқылы) және ауызша сөйлеу тілінің айтылу тараптарын дамыту.

28. Бағдарламаның міндеттері:

1. 
   есту қызметін дамыту (жетілдіру) және қалыптастыру;
   
2. 
   тілдік және тілдік емес дыбыстардың табиғаты туралы көзқарастарын байыту;
   
3. 
   ауызша сөйлеу тілін қабылдаудың сенсорлық негіздерін дамыту;
   
4. 
   есту зейінін (түйсігін) дамыту;
   
5. 
   анық, нақты табиғи сөйлеуді қалыптастыру;
   

29. Жарты жылдыққа бағдарламалық талаптардың көлемін баланың естіп қабылдауы мен сөйлеу тілінің даму деңгейіне және түзете оқыту үрдісіндегі жетістіктеріне байланысты сурдопедагог өз бетінше таңдайды. Бағдарламалық талаптар әліпбилік реттілікпен көрсетілген. Олардың мақсатқа сәйкестілігін сурдопедагог дербес орналастырады.

30. Бір жыл бойы балалар күніге дыбыс күшейткіш құралдармен пайдалануды, сабақта сапқа тұруды, серуендеу уақытында дыбыстық, дауыстық белгіге сурдопедагогқа немесе тәрбиешіге жақындауды үйренуі керек.

31. Дыбыстық ынталандырулар дыбыс күшейткіштермен және таза есту арқылы қабылдау үшін беріледі. Баланың естіп қабылдауы мен сөйлеу тілінің даму деңгейіне қарай материал естіп-көру, есту, есту арқылы ауызша, ауызша-жазбаша, ауызша-дактилді түрде қабылдау үшін беріледі. 2-3 дыбыстауды айыру заттар мен бейнелері бар суреттерге сүйене отырып, жүзеге асырылады. Тілдік және тілдік емес дыбыстарды қабылдау, дыбыстау көзінен ара қашықтықты тұрақты арттырып отырып жүзеге асырылады.