Оқыту түрі: күндізгі Көкшетау, 2015
Жаңа педагогикалық оқыту технологияның түрлері
жүктеу/скачать 2,58 Mb.
|
О ыту т рі к ндізгі
| 9.3. Жаңа педагогикалық оқыту технологияның түрлері
А.А. Жунусбаев оқу тәрбие ісінде педагогикалық технологияларды ұтымды пайдалану туралы жазды. Ол педагогикалық жаңа технологияны ұтымды пайдалана отырып, жақсы жетістіктерге жету үшін алдымен білім берудің 17 жаңа технологияларын білу қажет екендігін айтып сол технологияларға тоқталды. Яғни: 1. Білім берудің ізгілендіру технологиясы (Ш.А. Амоношвили) Мақсаты мен мағынасы: Оқушыны азамат етіп тәрбиелеу, олардың таңымдық күшін қалыптастыру және дамыту, оқушының жаңы мен жүрегіне жылылық ұялату, адамгершілік тәрбие беру. 2. Тірек белгілері арқылы оқыту технологиясы (Шаталов. В.Ф.) Мақсаты мен мағынасы: Білім, білік, дағдыны қалыптастыру, барлық оқушыларды оқыту, оқытуды жеделдету. Үнемі қайталау, міндетті кезендік бақылау, блокпен оқыту, тірек қолдану, еркімен оқыту, оқыту мен тәрбиенің бірлігі. 3. Ойын арқылы оқыту технологиясы. Мақсаты мен мағынасы: Ойын арқылы қызықтырып оқушылардың бойындағы білімдік, танымдық, шығармашылық қасиеттерін аша түсу. 4. Модульдік оқыту технологиясы. Мақсаты мен мағынасы: Оқытудың тұтас технологиясын жобалау, алға қойған мақсатқа жетуді көздейтін педагогикалық үрдіс. Оқу модулі үш құрылымды бөліктен: кіріспеден, негізгі және қорытынды бөлімнен тұрады. Кіріспе бөлімде оқытушы студенттерді оқу модулінің жалпы құрылымы мен оның мақсат міндеттерімен таныстырады. Содан соң осы оқу модулінің барлық уақытына есептелген оқу (10-20 минут ішінде) сызба кесте, карта және т.б сүиене отырып түсіндіреді. Негізгі бөлімде студенттердің оқу материалын қайта жаңғырту деңгейін, қарапайым білік пен дағдыларды және білімін іс жүзінде бірнеше рет қайта қолдану жүзеге асырылады. Үш деңгейлік тапсырмалар беріледі: «Жеңілдетілген стандарт», «Стандартты», «Стандарттан жоғары» оқу модулінің қортыңды бөлігі – бақылау. Қортынды бөлімде мемлекеттік білім стандартына сай тапсырмалар беріледі. 5. Проблемалық оқыту технологиясы. Мақсаты мен мағынасы: Оқу материалында студентті қызықтыратындай мәселе туғызу оны шеше отырып студенттер білімді белсенді қабылдайды. 6. Дамыта оқыту технологиясы. Мақсаты мен мағынасы: оқыта отырып жеке тұлғаны және оның қабілеттілігін дамыту. Барлық студенттің дамуы жолындағы жұмыстарды қамыту. 7. Түсіндіре басқарып, өзара оқыту технологиясы. Мағынасы мен маңызы: барлық студентті табысты оқыту. Сабақты пысықтауға әуелі озаттар, сосын орташалар, ең сонында нашар оқитындар қатыстырылады; бірте – бірте толық дербестікке жету, өзара көмек, білім, білік дағдыны дамыта меңгерту. 8. Оқытудың компьютерлік технологиясы. Мақсаты мен мағынасы: студентті «ақпараттық қоғамға» даярлау. Мұнда оқыту студенттің тікелей компьютермен қатынасы арқылы орындалады; жеке қасиеттеріне қарай компьютерге бейімделеді. 9. Деңгейлеп саралап оқыту технологиясы. Мақсаты мен мағынасы: әр студентті оның қабілеті мен мүмкіндігінің деңгейіне орай оқыту, оқытуды студенттерің әртүрлі топтарының ерекшелігіне сәйкес бейімдеу, ынғайлау, берілген тапсырмаларының саралануы. Әр топта үлгерімі орташа, жақсы, үздік студенттер болады оларға деңгейлік тапсырмалар қолдану қажет: 1 – деңгей – мүмкіндік; 2 – деңгей – міндетті; 3 – деңгей – эвристикалық; 4 – деңгей – шығармашылық. 10. Бағдарлы оқыту технологиясы. Мақсаты мен мағынасы: ғылыми негізде түзілген бағдарлама негізінде оқытудың тиімділігін арттыру. Бағдарламаланған оқу материалдары кадр, файл сияқты оқыту бөлігі арқылы беріледі. 11. Өздігінен даму технологиясы. Мақсаты мен мағынасы: дербестікке тәрбиелеу. Әркім табиғат берген даму жолымен жүреді, өзін – өзі дамытады. 12. Сын тұрғысынан ойлауды дамыту технологиясы.Мақсаты мен мағынасы: білімнің болашақта қажетке жарауын қалыптастырады. Сын тұрғысынан ойлау бағдарламасы қызығущылықты ояту, мағынаны тану, ой толғаныс кезендерінен түзіледі. Сабақ кезінде үйренуші не үйренгенің саралап, салмақтап, оны қандай жағдайда, қалай қолдану керектігін ой елегінен өткізеді; қайта қарап, өзгерістер еңгізеді. 13. Шоғырландырып оқыту технологиясы. Мақсаты мен мағынасы: оқу процесі құрылымның психологиялық табиғи ерекшеліктерін қабылдауға жағдай туғызу. Сабақтарды блокқа біріктіру арқасында пәндерді терең үйрену. 14. Белсенді оқыту технологиясы. Мақсаты мен мағынасы: Студенттердің белсенділігін ұйымдастыру. Болашақ кәсіптік қызыметінің пәндік және әлеуметтік мазмұнын моделдеу. 15. Толық меңгерту технологиясы. Мақсаты мен мағынасы: меңгерген білімін тәжірибеде жүзеге асыру, қолдану. 16. Жеделдетіп оқтыту технологиясы. Мақсаты мен мағынасы: Бастауыш топтың білімін жалғастырушы топтың біліміне қысқа мерзімде үйлестіру. Қазіргі қоғам үрдісіне сай иновациялық технологиялармен білім беру. 17. Кәсіби бағдар беру технологиясы. Мақсаты мен мағынасы: кәсіптік ағылшын тілін жетілдіру. Оқу – жұмыс бағдарламасына мамандыққа сай тақырыптар ендіру. Берілген білімнің тәжірибеде қолдану қажеттілігі. Осыны қортындылай келетін болсақ: оқыту технологиясы дегеніміз қойылған мақсатқа тиімді, нәтижелі жолмен қол жеткізуді қамтамасыз етуші жүйе. жүктеу/скачать 2,58 Mb. Достарыңызбен бөлісу:
|