Зерттеу жұмысының практикалық мәнділігі. ММ-дер халықтар арасындағы этномәдени үрдістердің нәтижелерін тіларалық қарым-қатынастар арқылы анықтаудың сенімді жолдарының бірі болып саналады. Соған орай туыстас екі тілдің, сол тілдерді пайдаланушы халықтардың туыстас-жақындығын, тарихи даму үрдісінің сәйкестігін, өзара тарихи-мәдени араласуын не болмаса өзара көршілестігінің нәтижесінде қалыптасуын анықтау тіл білімі үшін маңызды болмақ. Сондықтан бұл еңбек филология факультеті студенттеріне көмекші оқу құралы, этнолингвистика, тарих, этнопедагогика пәндеріне көмекші құрал бола алады. Сондай-ақ арнайы курс ретінде дәріс оқуға пайдалануға болады.
