Омарова аккенже бердихановна
жүктеу/скачать 8,57 Mb. Pdf көрінісі
|
Диссертация
| Bacillus
subtilis негізіндегі пробиотикпен кешенді өсімдік концентратын қоректендіру ірі қара малға орташа тәуліктік сауылымды жоғарылатты, айырбас энергиясының шығындарын және 1 кг сүтке арналған құрама жем шығынын төмендетті. М. И. Подчалимова және т. б. субтилис пробиотигі бар азықтық қоспаның әртүрлі жастағы торайлардың сақталуы мен өнімнің сапасына әсерін зерттеу бойынша деректер келтірген. Шошқаның төлін өсіру және бордақылау кезінде Субтилис пробиотигін толық құрама жемге қосу олардың өсу қуатын арттырады, өсіру мерзімін қысқартады, өнім бірлігіне жем шығынын азайтады. Осылайша, пробиотикалық препараттарды қолдану терапевтік іс-шараларды оңтайландыруға ғана емес, сонымен қатар кәсіпорынның экономикалық тиімділігін арттыруға мүмкіндік береді [83-87]. Пробиотикалық препараттарды қолданудың негізгі көрсеткіштері – ағзаның резистенттілігін және жануарлардың өнімділігін арттыру. Пробиотиктер, сондай-ақ теңгерімсіз азықтандыру, стресс, асқазан-ішек жолдарының және басқа да ағзалардың созылмалы аурулары кезінде ішек микрофлорасын қалпына келтіру үшін, сондай-ақ антибиотиктермен кешенді емде тағайындайды. Құс шаруашылығында пробиотиктер ішектің сальмонелламен отарлануын болдырмау мақсатында қолданылады. Пробиотикалық препараттардың даусыз артықшылығы олардың иммунокоррекциялық әсері болып табылады. 1928 жылы пенициллиннің Александр Флемингпен ашылуы медицина және ветеринарияда төңкеріс жасаған өзгермелі сәт болды. Ветеринария мен медицинадағы антибиотиктер бактериялық инфекциялардың алдын алу және күресу үшін және өнеркәсіптік жануарлардың өсуін ынталандыру ретінде қолданылады. Бактериялық инфекциялардың алдын алуға және бақылауға антибиотиктерді емдеу, метафилактикалық немесе профилактикалық қолдану кезінде қол жеткізілді. Малдарға арналған жемдерде қолданылатын антибиотиктер олардың өсуін арттыру, жемді пайдалануды жақсарту және өлімді төмендету мақсатында антибиотиктер – өсуді стимуляторлар ретінде анықталды. Өсуді стимуляторларды Еуропалық Одақта қолдану азық 48 қоспаларына (70/524/ЕЕС) қатысты 1970 жылғы 23 қарашадағы Кеңес Директивасымен бекітілді. Жануарларды тамақтандыруда қолдануға рұқсат етілген антибиотиктер түрлерінің саны үнемі шектеулі. 2006 жылдың 1 қаңтарынан бастап Еуроодақ стимуляторларды ауыл шаруашылығы жануарларына арналған жемде қолдануға толық тыйым салды. Тыйым ЕО-ның барлық елдерінде бір уақытта енгізілді. Сол уақыттан бастап антибиотиктерді дәрі ретінде тек жануарларға арналған емдік жемдерде немесе профилактикалық қоспалар түрінде қолдануға рұқсат етіледі. Жануарларды азықтандыруда пайдаланылатын қоспаларға Еуропарламент және ЕО 2003 жылғы 22 тамыздағы № 1831/2003 регламенті жемдік қоспалар ретінде пробиотиктерді және антибиотик-стимуляторларға баламаларды қамтиды. Мал шаруашылығында микробтық препараттарды қолдану кезінде жемнің сапасы мен пайдаланылуы артады, жануарлардың өсуі, олардың өнімділігі тездейді, сондай-ақ өнімнің өзіндік құны төмендейді және ауру мен өлім жағдайларының саны күрт азаяды. Қазіргі кезеңде құс шаруашылығы проблемаларының бірі өндірістің жоғары рентабельділігін қамтамасыз ету болып табылады. Сонымен бірге, құстарды мал басының жоғары шоғырлануы және техногендік сипаттағы факторлардың елеулі әсер етуі жағдайында қарқынды пайдалану ағзаның резистенттік деңгейінің төмендеуімен, сырқаттанушылық пен өлім-жітімнің артуымен қатар жүреді. Осыған байланысты органикалық өнім өндіру кезінде сыртқы орта факторларының зиянды әсерлеріне мал басының тұрақтылығын қамтамасыз ету проблемасы тұр. Осылайша, ауыл шаруашылығы жануарларының, құстардың және балықтардың төлдерін азықтандыру кезінде асқазан-ішек ауруларынан алдын алу және емдеу құралы ретінде лактобацилл негізінде пробиотикалық препараттарды қолдану жануарлардың иммунитетін арттыруға, олардың денсаулығын сақтауға және экологиялық қауіпсіз мал шаруашылығы өнімдерін алуға мүмкіндік береді. жүктеу/скачать 8,57 Mb. Достарыңызбен бөлісу:
|