əдістемелік əдебиеттерде: əдістемелік құралдарда, «Физика мектепте» журналының мақалаларында, облыстық баспаларда шығарған кітаптарда зор көңіл бөлінген. Бірақ проблеманың аса күрделі болуына байланысты оны шешуде көптеген олқылықтар болды. Ең алдымен есептерді қолданудың жалпы білім беру мен тəрбиелік мақсаттары: есептерді қолдануға жалпы қатысты болсын, сол сияқты жекелеген міндеттерде есептердің жеке топтарымен əрбір есептің мақсатыда жеткілікті айқын жəне дəлме- дəл анықталмаған.
Соның салдарынан эксперимент есептерін классификациялаудың айқын педагогикалық негізі болмады. Эксперименттік жəне басқа есептерді іріктегенде əр есептің оқу мақсатын анықтаған жөн: бұл есепті шығарғанда қандай білім жетілдіріледі, қандай интеллектуальді шеберліктер жəне техникалық дағдылар тəрбиеленеді. Физиканы оқытудың негізгі білімдік мақсаты оқушыларды бағдарламада көрсетілген заттардың құрамы, қасиеттері жəне құрылысы жөніндегі біліммен қаруландыру болғандықтан эксперимент есептері де оқушыларды осы білімді алуға бағыттауы керек. Демек, эксперимент есептерінің ішінде заттарға сапалық анализ жасайтындары болуы керек. Мұндай есептер мектеп практикасында кең таралған. Эксперименттік есептерді шешетін оқушыға қойылатын талаптың бірі, практикалық əрекеттерден бұрын эксперимент есебі теориялық тұрғыдан шешілуі керек [16].
