Таңу бөлмесіндегі мейірбикенің атқаратын қызметтері:
Медициналық қалдықтарды жинау және утилизацияны ұйымдастыру.
Таңу бөлмесіндегі кіші медицина қызметкерлерінің жұмысын ұйымтастырумен қадағалау .
Медициналық құжаттардың уақытылы және дұрыс орындалуы.
Қолдың іріңді қабыну аурулары кезіндегі жалпы тәжірибелік дәрігердің диагностикасы мен тактикасы: панариций, қол басы флегмонасы. Клиникасы. Болжамы және асқынулары. Сырқаттың ерекшеліктері және хирургиялық емдеу. Жансыздандыру әдістері.
Саусақ тіндерінің қабынулары панариций немесе қазақша күбіртке деп аталады.
Қабынудың бастапқы (серозды-инфильтративті) және іріңді (іріңдінекроздық) фазаларын қарастырады.
Қол ұшының іріңді ауруларының клиникалық көрінісі кезінде кезкелген басқа қабыну үрдістері сияқты жалпы және жергілікті сипаттардан – ісіну, гиперемия, ауырсыну, дене температурасының артуы, ағза қызметінің бұзылуынан тұрады. Бірақ қол ұшы
саусақтарының қабыну үрдістерінің арнайы, өзіне тән белгілері бар.
Білектің, иық немесе балтырдың тері асты клетчаткасы қабынған кезде қабынудың жергілікті сипаттары тікелей ең айқын деструктивті өзгерістері бар зонада орналасады.
Алақанның тері асты клетчаткасының қабынуында тек пальпаторлы түрде ауырсыну және алақан контурының тегістелуі анықталады.
Қол ұшының басқа сипаттары (гиперемия, айқын ісіну) қол ұшының сыртқы беткейінде жақсырақ білінеді. Соңғысы кейде ірің ошағын анықтауды қиындатады және диагностикалық қателіктердің себебі болып табылады.
Соның салдарынан дұрыс жасалмаған кесулер еңбекке жарамсыздық күндерін тек арттырып қана емес, сонымен қатар емдеудің нәтижелеріне де айқын көрініс береді.
Классификациясы
Панарицийлер:
І. Беткейлік формасы:
а) терілік б) тері астылық в) тырнақ айналасының панариций г)
тырнақ асты панариций
ІІ. Терең формасы:
а) сіңірлік б)сүйектік в)буындық г) пандактилит
Достарыңызбен бөлісу: |
