1915 жылы қазақ зиялыларыкөрнекті ғалым, демократ Григорий Потаниннің 80 жылдық мерейтойын атап өтіп, өздерінің жағымды пікірлерін білдірді: «Ардақты қарт. Келдім бүгін тойыңа»өлеңінде Міржақып Дулатов Г. Н. Потанинді«Сібірдің ардақты ақсақалы» деп атады. Қазақтың белгілі ақыны, лингвист- ғалым, қоғам қайраткері Ахмет Байтұрсынов да оған өз өлеңдерін арнады.
Г. Н. Потаниннің есімі Қазақстанның бірқатар Астана, Алматы, Павлодар, Семей, Петропавл қалаларының көшелеріне берілген. Ғалымның атындағы көшелер Ресей қалаларында да бар.
Павлодар облысындағы тарихи-өлкетану мұражайы мен мектепке Г. Потаниннің есімі берілген. Осы облыстың Черное ауылында Г. Потанинге ескерткіш орнатылған.
Дала тұрғындары орыс ғалымын «жан дүниесі таза ақсақал»атандырды. Бұл қазақ халқының ғалымға берген ең жоғары бағасы еді. Қазақстан мен Сібір тұрғындарының Қазақстан тарихы мен мәдениетін зерттеуші, халықтарды бейбітшілік пен келісімге үндеуші, адал да парасатты ғалымды ғасырлар бойы есте сақтайтыны анық.
Хорунжий -казак әскерінің төменгі офицерлік шені, жаяу әскердегі подпоручик немесе атты әскердегі корнет шеніне сәйкес келеді. Қазіргі армиядағы лейтенант атағы.
Эпос - ауыз әдебиетіндегі ел қорғаған батырлардың өмірін эпикалық сипатта жан-жақты суреттейтін жанр.
Фольклор —қазақ халқының бұқаралық көркемсөз шығармашылығы.
Гербарий — кептірілғен өсімдіктердің жиынтығы.
Флора — белгілі бір аумақта өсетін өсімдіктер түрі.
Сібір қоғамы —зиялылардың Сібірді Ресейден бөлуді көздейтін демократиялық қозғалысы.
Семенов-Тян-Шанский Петр Петрович (1827—1914) - орыстың көрнекті географы, ғалым, ботаник, статист, мемлекет және қоғам қайраткері. Императорлық Орыс географиялық қоғамының вице-төрағасы.
«...Қырғыз (қазақ) халқының зайырлы бағытын қалыптастыру үшін үлт көшбасшыларының өз ана тілі мен тарихын, мәдениетін және әдет-ғұрпы, көненің көзі, ескілікті мұраларын зерттеуге деген ынтасын аудару керек. Бұл әзірге тек ориенталистер мен фольклоршылар, этнографтар арасында ғана орын алған. Бірақ олар халықты зерттегенде қырғыз (қазақ) ұлтының сана-сезімін ояту үшін емес, тек осы жөнінде еуропалық білімді толықтыру үшін ғана айналысады». Потанин Г. Н. Қазақтың соңғы ханзадасының үйінде.//«Русские богатство «журналы», СПб., 1896, №8.
