83-сурет. Үрмебұршақ антракнозы Саңырауқұлақ конидиялармен таралып, ылғалды ауа райында түтікшеге өніп, кутикулаға тығыз орнығатын аппрессорийлар тү- зіп, өсімдікті залалдайды. Аппрессорийдан өсімдік клеткасына енетін инфекциялық жіпше дамиды. Инкубациялық кезеңі 4-7 күн. Жіпшумақ кейде тұқымға еніп, залалдап, оның өнгіштігін жояды немесе өнген өскін көп ұзамай қурайды.
Саңырауқұлақтың дамуына 18-220С температура жəне 60% ауа ылғалдылығы қолайлы. Аурудың қоры тұқым жəне өсімдік қал- дықтарында жіпшумақ түрінде сақталады.
Өсімдік бұршаққабында, сабағында, сағағында, жапырағында қызыл жиекті, қоңыр дақ пайда болады. Дақ бетінде қызғылт не- месе қоңыр-сұр конидия массасы түзіліп, дақ жарылады. Бұршақ- қаптың бетіндегі дақтар бір-бірімен қосылып тұқымға дейін өте- тін терең ойық жара пайда болып, кейін қатайып, күңгірттеніп, қыртыстанады. Сабақ ауруға шалдықса егістік сиреп, зияндылығы артады.
Тамыр шірігі.Ауру қоздырғыштары – Fusarium Link, Pythium debaryanum Hesse, Rhizoctonia solani Kuehn жəне т.б. саңырауқұлақ- тар туыстары кейде бактериялар (84-сурет). Ылғалды ауа райын- да залалданған мүшелерде қоздырғышқа байланысты түрлі-түсті өңездер түзіліп, ал қоздырғышы бактерия болған жағдайда шырыш бөлінеді.
