Оқулық Ә.Ә. Шортанбаев, С. В. Кожанова. Алматы, 2008. 2
жүктеу/скачать 10,03 Mb. Pdf көрінісі
|
shortanbaev e e kozhanova s v zhalpy immunologiya okulyk
| ИНТЕРЛЕЙКИН-12
(тектері: р40 субъбірлік үшін – хромосомалардың 5- жұбы; р35 – 3- жұбы). 35 000 пен 40 000 Д молекулалық салмағы бар полипептидтік тізбектен құралған гетеродимер. Бактериялармен, жасуша ішілік паразиттермен немесе олардың өнімдері мен қоздырылған макрофагтар/моноциттермен, дендриттік жасушалармен және бактериалдық өнімдермен белсендірілген В-лимфоциттермен өндіріледі. ИЛ-12 – цитотоксикалық жасушалардың индукторы және цитокиндердің өнімінің стимуляторы. ИЛ-12 макрофагтар мен лимфоциттердің араларында, туа біткен иммунитеттiң және жүре біткен иммунитеттің арасында делдалдық қызмет атқарады. ИЛ-12 Тх0 Тх1-ге айналуда және IgE синтезін тежеуде негізгі фактор болып келеді. Бұл қабілет оның гуморалдық және жасушалық жауаптарының тепе-теңдігін Т- хелперлердің Тх1 бағытында жетілдіру арқылы реттеуде айқындалады. Аталған эффект, көбінесе IFN-γ көлемі тез арада көбеюіне байланысты. ИЛ-12 NK– жасушаларының белсенділігін, олардың көбеюін жоғарылатады, цитотоксикалық Т-лимфоциттердің пісіп жетілуін 139 негіздейді (IFN-γ көмегімен); ЛАЖ- жасушаларының қалыптасуын жоғарылатады. ИЛ-12 әсері Тх1 мен NK- жасушаларының қоздырылуымен байланысты, сол себептен ИЛ-12 клиникада ісіктерге қарсы және вирустарға қарсы препарат ретінде, жасушалық иммунды жауапты бастайтын адъювант ретінде, иммундытапшылық кезінде байқалатын оппортунисттік індеттердің емі ретінде қолдануға болады. ИЛ-12 В-лимфоциттерді, әсіресе В1-жасушаларды, қоздыруға қатысады, нәтижесінде аутоантиденелердің көлемі жоғарылайды. ИЛ-12 бірқатар иммунологиялық жүйелерге супрессорлық белсенділігі бар , соның ішінде IgE өнімін тежейді. Бұл себептен кейбір жағдайларда клиникада ИЛ-12-нi IgE-аллергиясын немесе аутоиммундық жауапты тежеу мақсатымен қолдануға болады. ИЛ-12 бағаналы қан түзу жасушаларының айналымға шығуын және экстрамедулярлық қан түзу ошақтарының қалыптсуын негiздейдi. Сонымен, ИЛ-12, макрофагтар мен лимфоциттердің арасындағы байланысты қамтамасыз етіп, Тх1 мен цитотоксикалық жасушалардың белсенділігін жоғарылатып , IFN-γ өнімін қолдап, вирустарға, микробтарға және ісікке қарсы қорғанысқа зор үлес қосады, себебі IFN-γ жасуша ішілік микроцидтіктің, соның ішінде оттегінің активті құрамдарының және азот тотығының активаторы ретінде белгілі. жүктеу/скачать 10,03 Mb. Достарыңызбен бөлісу:
|