3. топырақты қорғау және сақтау . Топырақ жамылғысының бола-
шағы көбінесе адамның қызметіне байланысты. Жерді қорғауымыз керек.
Мүмкін, арнайы топырақты қорықтар жасайтын уақыт келген болар. То-
пырақты қорықтарды жасау ғылым үшін үлкен маңызға ие. Не дегенмен
де, Жерді қорғау – адамның табиғат алдындағы борышы.
Топырақтың құнарлылығын сақтау үшін, республикамызда мелиора-
циялау жұмыстары жүреді. Оның негізгі бағыттары – агротехникалық;
эрозияға қарсы; рекультивациялық; химиялық және басқа да шаралар.
Эрозияға қарсы күресте топырақты аудармай өңдеу, орман алқаптарын
отырғызу, жерлерді таудың бөктеріне қарай көлденең жырту, жыраның
төбелерін нығайту, олардың маңына ағаш өсімдіктерін отырғызу, өзен-
дердің және суқоймаларының жағаларын бекемдеу, мал жаюды реттеу,
құмдарды бекіту, қар тоқтату, тау бөктерлерін сатылау сияқты жұмыстар
жүргізіледі.
