Байланысты: praktikal k sabaktarga adistemelik kural (2)
Тұндырмалар мен қайнатпаларды жинау, сақтау және дайындау жөніндегі кейбір нұсқаулар. Шөптер құрғақ күні шық буланып кепкеннен кейін жиналады. Шөп
көлеңкеде, шатыр ішінде кептіріледі. Үгітілетін емес, сынатын деңгейде жеткен
шөп кепкен деп саналады. Өсімдіктердің тұқымын күннің көзінде кептіруге
болады. Шикі заттарды матадан жасалған қаптарға салып, қораптарда сақтайды.
Өсімдіктердің тамырлары мен сабақтарын қазып алып, жуады да бойлай кесіп,
пеште ең аз режимде тәртіппен кептіреді.
Мысалы, асқабақтың тұқымын 2 сағат қайнауына жеткізбей ыстық суда
ұстайды, ал мойыл ұрығының тұндырмасын 20 минут қайнатады т.б. Ауру
малдың иесі тұндырмаларды үйдегі жағдайда өзі де дайындай алады. Ол үшін
дәрілік заттың белгілі мөлшерін алып, эмалданған немесе балшық ыдысқа салады
да сәйкес арақатынаста ыстық су құйып, бір сағат жылы жерге қояды, одан кейін
дәке арқылы сүзеді және өсімдік шикі затының бойындағы барлық сұйығын
сығып алады.
