Оқулық I том Ш. С. Калиева, Н. А. Симохина, Т. К. Сагадатова клиникалық фармакология жəне ұтымды
Қателіктер мен негізсіз тағайындаулар
жүктеу/скачать 14,98 Mb. Pdf көрінісі
|
Клиникалык фармакология жане утымды фармакотерапия Калиева 2014-01-01
| Қателіктер мен негізсіз тағайындаулар
Эрадикационды терапияда ұсынылған сызбаға енгізілген кез- келген қосымша өзгерістер (бір дәрілік затты екіншісімен алмастыру, мөлшерін азайту, ем ұзақтығын, қабылдау уақытын қысқарту) антихеликобактериялық тиімділігін кенет төмендетеді және H. pylori штаммдары антибиотиктеріне тұрақтылық қалыптасуына алып келеді. Тиімділігі аз болғандықтан екі дәрілік препараттан тұратын біріктірілген ем қолданылмайды. Үш компонентті терапияда базистік антисекреторлық дәрілік зат ретінде тек қана Н 2 -рецептор блокаторы тобының препараты ранитидин висмут цитрат қана қолданылуы тиіс. Үш компонентті терапияда антибактериалдық дәрілік препараттар ретінде амоксициллин мен метронидазолдың қосындысын қолдану ұсынылмайды. 324 Функционалды диспепсия Функционалды диспепсия – асқазанның және он екі елі ішектің функционалды бұзылыстары. Бұл диагноз органикалық диспепсия себептерін жоққа шығарғанда және келесі өлшемдердің болуы кезінде қойылады: Ауырсыну және жағымсыз әсерлердің қатаң түрде эпигастриалдық аймақта болуы; Диспепсия сезімінің жалпы ұзақтығы 12 аптадан 12 айға созылса; Ауырсыну және жағымсыз сезімдердің ішектердің функционалды бұзылыстармен байланысты болмауы. Жіктелуі Аурудың клиникалық көрінісіне байланысты ФД – ның үш нұсқасын ажыртады: Ойық-жаралы; Дискинетикалық; Ерекше емес. Этиологиясы мен патогенезі ФД-ның этиологиясы мен патогенезі жайлы сұрақтар әлі күнге дейін толық зерттелмеген. ФД-ның дамуына мүмкін болатын себептері мен механизімдері қатарына көптеген ықпалдар қарастырылады. Науқастарда диспепсиялық көріністердің туындауына негізгі роль болып ұзақ уақыт бойы тұз қышқылының гиперсекрециясы болған. Бірақ жүргізілген зерттеулер ФД-мен ауыратын көп науқастар мен сау адамдарды салыстырғанда тұз қышқылы секреция деңгейінің ешқандай айырмашылығы болмаған. Зиянды әдеттер мен алиментарлы зиянды заттар (ішімдікті сусындар, шәй, кофе пайдалану), сонымен қатар шылым шегу және дәрілік заттарды пайдалану (көбінесе СЕҚҚЗ) ФД-ның пайда болу сепептері ретінде бағаланады. Нервті-психикалық күйзелістерде ФД-ның симптомдарын тудырады. Осындай күзелістік жағдайлар асқазан мен он екі елі ішектің қозғалтқыш қызметіне тежеуші әсер етеді. Соңғы жылдары кеңінен ФД-ның симптомдарын асқазанның шырышты қабатының H. Pylori–мен инфицирленуімен 325 байланыстырады. Қазіргі уақытта жиналған мәліметтер ФД-мен ауыратын көптеген науқастардағы диспепсиялық көріністер H. Pylori-дің этиологиялық фактор болуына негіз бола алмайды. Сонда да оларда эрадикацияның жүргізілуі пайдалы болуы мүмкін. жүктеу/скачать 14,98 Mb. Достарыңызбен бөлісу:
|