Пiкiр жазғандар: E. Омар – профессор, педагогика ғылымдарының докторы Ш. Оразов
жүктеу/скачать 2,01 Mb. Pdf көрінісі
|
Bastauysh mektep pedagogikasy Babaev
| адамилық қасиет-сапалары
кең маңыз ала- ды. Атайтын болсақ, олар: адамгершiлiк, қайырымдылық, шыдамдылық, адалдық, жауапкершiлiк, әдiлдiк, мiндет- тiлiк, шынайлылық, жомарттық, сыйластық, жоғары инабаттылық, болашаққа сенушiлiк (оптимизм), ба- лалар мүддесiне етене жақын болу, ұстамдылық, байсалдылық, үйiршеңдiк, тiлектестiк, өз басына сын көзбен қарай бiлу, достық қатынасқа ынтық болу, қадiрлi болу, ұлтжандылық, отансүйгіштiк, имандылық, принципшiлдiк, ықыластылық, көңіл бiлдiру әдептiлiгi және т.б. Мұғалiмде мiндеттi болуы тиiс аса маңызды сапалардың бiрi – гуманизм, яғни өсiп келе жатқан адамды жер бетiндегi ең жоғары құндылық ретiнде тану және осыған нақты iс-шара- лармен қатынас жасай бiлу. Гуманды қатынас – бұл тұлғаны жақыннан тани бiлуге мүдделiлiк, оқушыларға жанашырлық, олардың пiкiрiмен санасу, балалардың кемелдену ерекшелiк- терiн бiлу, шәкiрттердің оқу iс-әрекеттерi мен тұлғалық дамуы- на жоғары талаптар қоя бiлу. Аталған сапа-қасиеттердің iс- жүзiндегi көрiнiстерiнен хабардар болған жас әулет алғашында елiктеумен, соң саналы түрде адамдарға деген гуманистiк қатынастарын қалыпқа келтiре бастайды. Мұғалiм - әрқашан да белсендi, шығармашыл тұлға. Ол оқушылар өмiрiнің күнделiктi ұйымдастырушысы. Оқушы қызығуларын оятып, оларға жетекшi бола бiлу - ерiк қабiлетi күштi дамыған жеке тұлғалық белсендiлiгi артып тасыған адам- да ғана дамитын қасиет. Күрделi ағза болған сынып, балалар ұжымына педагогикалық басшылық үлкен тапқырлықты, зеректiктi, табандылықты, көрiнген жағдайлар шешiмiн таба бiлуге дайын болуды қажет етедi. Педагог – бала жан дүниесiне жетекшi, кiршiксiз өрнек, үлгi. |