Жұмыстың тәжірибелік құндылығы – Алғаш рет түйе сүтінен
Bifidobacterium crudilactis жаңа штаммы бөлініп, заманауи молекулярлық
әдістермен (99,97%) идентификацияланды. Жүргізілген зерттеулердің
нәтижесінде 7-1С штаммы KY235374 сәйкестендіру нөмірі бойынша АҚШ-
тағы Ұлттық денсаулық институтының (NSBI) құрамына кіретін GENBANK
деректер базасына енгізілді. https://www.ncbi.nlm.nih.gov/nuccore/KY235374
Ауыл шаруашылығы жануарлары төлдерінің асқазан-ішек ауруларын
емдеу және алдын алу үшін «Экопробиотик» ветеринариялық препараты
әзірленді.
«Экопробиотик» үшін ұйым стандарты әзірленді және Қазақ ұлттық
аграрлық университетінің технология және тамақ өнімдерінің сапасы ғылыми-
білім беру инновациялық орталығының өндірісіне енгізілді.
Бұзауларды өсірудегі «Экопробиотик» препаратының тиімділігі
дәлелденді, ол әртүрлі ауруларға қарсы ағзаның резистенттілігін арттыруға
ықпал етеді және жануарлардың өсуі мен дамуын ынталандырады.
Жүргізілген зерттеулердің ғылыми жаңалығы 4 патентпен және 5 ҚР
пайдалы модельдерімен расталды.
