Патофизиология пәні, мақсаты мен міндеттері және оларға жету
Рестрикциялық кардиомиопатия
жүктеу/скачать 6,36 Mb. Pdf көрінісі
|
Патофизиология учебник (1)
- Бұл бет үшін навигация:
- Аритмия туындататын оң жақ қарыншаның дисплазиясы
- Спецификалық кардиомиопатиялар.
| Рестрикциялық кардиомиопатия
кезінде миокард ішінде (гликоген жиналып қалуынан, амилоидоз, саркоидоз, гемохроматоз т.б. кездерінде) сіңбелер мен түйіршіктер қалыптасуларынан, сол жақ қарыншаның қуысы тарылып, жүректің босаңсу қызметі бұзылады Аритмия туындататын оң жақ қарыншаның дисплазиясы 1960 ж. алғаш жарияланған тұқым қуатын дерт. Гендердің ауытқулары 14q23- q24 және 1q 42- q43 локустарында байқалады. Бұл дерт кезінде оң жақ қарыншаның сыртқы қабырғасына фиброздық май тіндері артық жиналып қалады. Бұндай ауытқулары бар жас жігіттер, жүрек ауруларына ешбір шағым айтпай, аяқ астынан, күтпеген жерден, әсіресе ауыр физикалық жүктемелерден кейін, кенеттен жан тапсырады. Спецификалық кардиомиопатиялар. Спецификалық кардиомиопатиялардың клиникалық көріністері идиопатиялық дилятациялық кардиомиопатияларға өте ұқсайды. Бірақ олардан айырмашылығы болып, бұлардың белгілі бір нақты себептерден дамуы есептеледі. Организмнің көптеген жүйелерінің аурулары кездерінде жүректің бүліністері бірігіп байқалады. Тыныс алу ағзаларының аурулары, анемиялар және басқа созылмалы гипоксия жағдайлары жүрек етінде зат алмасу бұзылыстарына, дистрофиялар мен ошақты некроздар дамуына әкеледі. Адамның жан-дүниелік күйзелістері, ауыр ойсоққылықтарға т. б. ауыртпалықтарға ұшырауы жүрек қызметінің бұзылыстарын туындатады. Құздама дертімен (ревматизм) ауыру кездерінде жүрек бүліністері байқалады. Көптеген жұқпалардың (тұмаудың, қызылшаның, қызамықтың, індетті мысқылдың, адамның иммундық 508 тапшылықтық вирусы, Эпштейн-Барр вирусы, цитомегаловирус т. б.вирустардың) әсерлерінен миокардит дамиды. Эндокриндік бездердің аурулары (қантты диабет, тиреотоксикоз, микседема, акромегалия, феохромоцитома т.с.с.) кездерінде миокардтың бүліністері байқалады. Уытты кардиомиопатиялар ауыр металдардың (қорғасын, кадмий, кобальт т. б.), дәрі-дәрмектердің (адриамицин, доксорубицин, туберкулезге қарсы антибиотиктер т.б.), ішімдіктің әсерлерінен дамиды. Арақты көп ішетін адамдарда маскүнемдік кардиомиопатия байқалады. Сонымен бірге, жүрек ауруларының бір түріне электролиттік-стероидтық миокардиопатия жатады. Г. Селье егеуқүйрықтарға натрийдің сульфаттық тұздарын артық мөлшерде жіберіп, жүректе жиі некроздық бүліністер пайда болатынын көрсетгі. Егер бұл тұздарды кортикостероидтық гормондармен бірге енгізсе, онда көрсетілген бүліністер тұзды аз мөлшерде енгізгеннің өзінде пайда болады немесе тым қатты дамиды. Осындай жағдайлар адамда да болуы мүмкін. Ас тұзын көп пайдаланатын адамдарда бұл гормондардың артық түзілуіне әкелетін жағдайлар (ауыр қол жұмысын атқару, жан-дүниелік күйзелістер т. с. с.) миокардтың бүліністерін туындатуы мүмкін. Ал, калийдің, магнийдің иондары бұл жағдайлардан сақтандыратыны белгілі. жүктеу/скачать 6,36 Mb. Достарыңызбен бөлісу:
|