Ойын ғылыми білім мен іскерлікті
меңгеру құралы ретінде
Оқу ойынының педагогикалық мәні – студенттің танымдық іс-әрекетін белсендіре түсу, оның дербестігін өсіру, студентті ақпаратты пайдаланушы адамнан талап етуші адамға айналдыру, болашақ маманның тұлғалық сапаларын қалыптастыру.
Осындай ойындарға Түсініктемелі-терминологиялық ойынды жатқызуға болады.
Қайсыбір түсініктер жүйесі, оқу курстарының негізінде жүргізіле береді.
Ойынның мақсаты: - белгілі бір курс тақырыбына (зейін тақырыбы) қатысты түсініктер жүйесін өз бетінше үйрену. Ойынды жүргізу технологиясы қосымшада толық көрсетілген (Қосымша А).
Жақсы ойланып ұйымдастырылған ойын барысында студенттер енді лекцияда баяндаудың қажеті шамалы ақпараттың көлемін меңгеруге қабілетті келеді.
Теориялық оқу ақпаратының меңгерілуіне кей кездері үйреніп келе жатқан үрдіске жеке қатысуы (личная причастность) көмектеседі. Адамның бұлай қатысуын тек соған сәйкес оқу ойыны ғана қамтамасыз ете алады.
Осы мақсатқа орай біз, Р.С.Немов пен А.Г.Кирпичниктің («Путь к коллективу» М.,1988, 86-88б) кітабында суреттелген ойынды ұжымның ұйымшылдығын тексеруге арналған жаттығу ретінде пайдаландық. «Пішіндер» ойынын да студенттердің шағын топтардың қалыптасуы мен оның құрылымы үрдісін меңгеруі үшін қолданып жатамыз ғой.
«Пішіндер ойыны»
Мақсаты – шағын топ, оның қалыптасу үрдісі, топтың құрылымы мен ұйымшылдығы (мақсаты ойыншыларға баяндалмайды) сияқты түсініктерді меңгеру. Ойынды жүргізу технологиясы қосымшада көрсетілген (Қосымша Ә).
«Темперамент» түсінігін оқыған кезде «Лифтідегі үшеу» жағдайын талдаған орынды. Лекция жүргізбес бұрын 4 студент оқытушының көмегімен «темперамент» тақырыбы бойынша, мынадай көрініс дайындайды: 3 адам лифттіде жабылып қалады. Диспетчері – флегматик. Студенттердің алдында көрністі көрсете отырып, «әртістер» осы темпераменттердің үш мінездемесін нақты көрсете білулері керек (Б.Теплов бойынша).
Көрген жағдайға қарап студенттер әдетте, кімнің кім екенін бірден айтады, алайда өз білімдерін «темперамент» түсінігінің астарына қоса бермейді.
Осы жағдаймен жұмыс істеу студенттердің теориялық және тәжірибелік білімінің арасындағы байланысты түсінуге, сондай-ақ темперамент түсінігінің анықтамасын ұғынуға және есте сақтауға көмектеседі.
Достарыңызбен бөлісу: |
