8.2 Оқу жоспары білім алушылардың ең көп оқу жүктемесін, білім беру салалары мен пәндер құрамын, білім мазмұнын игеруге жұмсалатын уақыт мөлшерін сыныптар, білім салалары мен оқу пәндері бойынша белгілейді.
8.3 Оқу жоспары – типтік, жұмыстық оқу жоспарларын және білім беру ұйымдарын қаржыландыру мақсатында дайындалатын бастапқы құжаттарды әзірлеуде қолданылатын негізгі құжат болып табылады.
8.4 ОЖ-ның құрамында:
а) Жалпы мәдени және маңызды ұлттық құндылықтармен танысуды, қоғамдық мұраттарға сәйкес келетін жеке тұлғалық сапаларды қалыптастыруды қамтамасыз ететін инвариантты компонент;
ә) Білім алушылардың жеке және тұлғалық ерекшеліктерін ескере отырып, жеке дамуын қамтамасыз ететін вариативті компонент;
б) Білім алушылардың жеке ерекшеліктерін, мүмкіндіктері мен қажеттіліктерін ескере отырып, өз бетінше жобалау-зерттеу қызметін игеруін қамтамасыз ететін жеке компонент;
в) жалпы орта білім беру деңгейінде білім алушының сұранысы мен ниеті ескеріліп, оқу пәндерінің әртүрлі комбинациялары арқылы болашақта айналысатын кәсібіне бағытталуын қамтамасыз ететін бейінді компонент енгізіледі.
4.14 Оқу жоспарының инвариантты бөлігіндегі оқу пәндері бойынша оқулықтар мен оқу-әдістемелік кешендер бастауыш, негізгі орта, жалпы орта білімнің білім беретін оқу бағдарламаларына қатаң сәйкестікте әзірленуі керек.
4.15 Жаңа типті оқулықтар мен оқу-әдістемелік кешендер білім алушылардың оқу материалдарын интерактивті режимде өз бетінше игеруіне бағытталуы тиіс.
Әрбір сабақтың құрылымы 12 жылдық білім берудің мемлекеттік стандартының талаптарын ескере отырып, жеке сценарий тұрінде ұсынылуы керек.
Әрбір сабақтың мазмұны оқу пәнінің базалық мазмұнын баяндаумен қатар оқушылардың алдыңғы білімдерін есепке ала отырып, жаңа тақырыптың сұрақтары мен жаттығуларына алмасуы қажет.
Тақырып бойынша берілетін сұрақтар мен жаттығулар жаңа ақпараттың күрделену дәрежесін есепке ала отырып құрастырылуы қажет.
