Программалау тілдері туралы

Кез келген есептің күрделілігін төмендетудің табиғи тәсілі оны шағын бөліктектерге бөлу болып табылады . Сн тілінде кез келген программаны функциялар арқылы қарапайым және түсінікті бөліктерге бөлуге болады , осыдан кейін программаны функциялардың өзара әрекеттесуі деңгейінде ірілендірілген түрде қарастыру мүмкіндігі туады . Функцияларды пайдалану программаның абстрактылық дәрежесін арттырудың алғашқы қадамы болғандықтан , ол программа құрылымын қарапайым етуге мүмкіндік береді .

Сонымен қатар , программаны функцияларға бөле отырып жазу оның ішіндегі ұқсас кодтарды қайталаудан құтқарады , өйткені функция тек бір рет жазылады , ал оны программаның әртүрлі орындарында қажеттілігіне қарай бірнеше рет қайталап орындауға болады . Функциялардан тұратын программаны түзету процесі де жеңіл атқарылады . Жиі қолданылатын функцияларды кітапханаларға орналастыруға болады . Осылайша , оңай жөнделіп , жеңіл сүйемелденетін программалар құрылады

Функция бұл белгілі бір аяқталған әрекетті орындайтын сипаттамалар мен операторлардың атау берілген тізбегі . Функция параметрлерді қабылдап , мән қайтара алады . Сн тіліндегі кез келген программа функциялардан тұрады , олардың бірі міндетті түрде main деп аталуы тиіс ( программаның орындалуы осы функциядан басталады ) . Функцияны шақырған кезде ол орындала бастайды . Кез келген функция жариялануы анықталуы тиіс . Функция басқа шамалар сияқты бірнеше рет жариялануы мүмкін , бірақ ол бір - ақ рет анықталуы тиіс .