Р. Т. Айтбай Еуропаның орта ғасырлық тарихы
жүктеу/скачать 2,16 Mb. Pdf көрінісі
|
Aitbau Europaortagasr
| Саксон әулетінің саясаты
. 919 ж. феодал-ақсүйектер Германияның корольдігіне, саксондық герцог Генрих Птицеловты ( 919-936 жж.) сайлады. Ол 919-1024 жылдары билік құрған Саксон әулетінің негізін қалады. Генрихтың аты- мен Германиядағы корольдік үкіметтің күшеюі сипатталады. Саксон герцогтігі бүкіл солтүстік Германияны алып жатқан ірі герцогтық болатын. Бұл жерлерде әлі де болса басы бос шар- уалар қатары көп еді. Олардан атты және жаяу жасақшылар құ- рылды. Мұның өзі саксондық әулетті басқа герцогтардың ал- дында тәуелсіз етті. ІГенрих сыртқы шапқыншылық соғыстар жүргізіп, Германияның жерін шығыс пен батысында кеңейтті. Француз каролингтерінің әлсіздігін пайдаланып олардан Лотарингияны тартып алды. Эльба өзенінің бойын мекендеген батыс славяндарға шапқыншылық жасап олардың Бранибор (Бранденбург) қамалын алды. Генрих шығыста венгрлерге қарсы жорықтар жүргізіп, 933 ж. Мерзебур г түбінде венгрлерге жеңді. Шапқыншылық соғыстарында І Генрих көптеген қамалдар « бургтер » салдырып, соларды күш жинау, тынығу қамалдарына айналдырып отырды. Кейіннен бұл бургтер қалаларға айналды. І Генрихтың баласы І Оттон (936-973жж.) король үкі- метін нығайтуды жалғастырды. Ол ең алдымен басқа герцог- тарды бақылауды күшейтті. Оны жүзеге асыру үшін некелік, туысқандық байланыстарды , епископтық жүйені пайдаланды. Оттон шіркеумен достық қатынаста болды. Ол епископтарға көптеген жерлер беріп, оны өздерінің басқаруына мүмкіндік берді. Епископтарды да өзі тағайындады. Шіркеулік жерлерден түскен табыстың бір бөлігі король қазынасына түсіп отырды. Сөйтіп Германияда шіркеу мен мемлекеттің мүдделері түйісті. І Оттон әкесінің басқыншылық саясатын жалғастырды. Эльбаның жағалауларына неміс қоныс аударушыларын орналас- 67 тырды. Славяндарға христиан дінін зорлап енгізді. 955 ж.Лехе өзенінің түбінде венгрлерге үлкен соққы берді. Бұдан кейін венгрлер герман обылыстарына шабуыл жасауын тоқтатты. 951 ж. солтүстік Италия кнәздерінің өзара қырқысуларын пай- даланған І Оттон бірнеше солтүстік Италия кнәздерін жеңіп Павия қаласын басып алады. Италия королі Лотарьдың жесірі Адельгейдаға үйленеді. Сөйтіп, солтүстік Италияға германдық- тардың үстемдігінің негізін қалайды. 961ж . Италияға жорыққа аттанады. Рим папасы Иоанн ХІІ Римдік барондардан зардап көріп Оттонды шақырған еді. Оттон барондарды тәртіпке кел- тіріп папаны тағына отырғызады. Риза болған папа 962ж. І Оттонға « қасиетті Рим империясының императоры » деген атақ береді. І Оттон қайтыс болғаннан кейін оның ұрпақтары Италияны жаулап алу саясатымен айналысты. Әсіресе немересі ІІІ Оттон жаулаушылық әрекетті көп жүргізді. Саксон әулетінің соңғы императоры ІІ Генрих көбіне Германияда тұрып, қалалар мен Италияндық феодалдардың вассалдық тәуелділігін қанағат тұтты. жүктеу/скачать 2,16 Mb. Достарыңызбен бөлісу:
|