Оқытудағы құзыреттілік тәсілдеме (дағдыларды дамыту) Сабақтың бағыт-бағдары табысты өмір сүруді қамтамасыз ететін практикалық іс-әрекетке бағытталған, мысалы, бактериялардың құрылымы мен қызметі туралы білімдерін жаңартып, бұрын алған білімдерін жаңа зерттелетін тақырыпта қалай қолдануға болатынына бағыттай алады. Оны тиімді қолдана отырып, оқушы инсулинді биотехнологиялық жолмен өндіру сызбасын өз бетінше құра алады. Мұғалім проблемалық мәселелер мен оларға қоса берілген ақпараттың көмегімен сыни ойлауды ғана емес, сонымен қатар шығармашылық ойлауды да дамыта отырып, тапсырмалардың шешімдерін өз бетінше іздеуге бағыттайды. Нәтижесі – бұл алынған ақпараттың мөлшері емес, оқушының әртүрлі проблемалық жағдайларда әрекет ету қабілеті.