Сабақ үлгілері (Әдістемелік нұсқаулық) Тараз. 2013. 108 б
жүктеу/скачать 1,6 Mb.
|
|
Ұйымдастыру кезеңі: Балаларды ұйымдастырып, назарларын сабаққа аудару. «Шаттық шеңберін» құру. «Амандасу рәсімін» айту: Күндей жадырап, Айдай арайлап, Жұлдыздай жарқырап, Судай мөлдір, таза көңілмен, Бүгінгі күнімізді бастайық! Сабақ барысы Сабақты кіріспе әңгімеден бастау. Балаларға сұрақтар қою: Тәрбиеші: - Балалар қандай жануарларды білесіңдер? Балалар: - Сиыр, жылқы, т.б. Тәрбиеші: - Жануарлар үй және жабайы жануарлар болып бөлінеді. Мынау қандай жануар? Балалар: - Есек. Тәрбиеші: - Есекті көргендерің бар ма? Балалар: - Иә, жоқ. Сурет бойынша есекті суреттеу. Балаларға сабақта есектің суретін салатынымызды айту.
Балаларға есекті салу барысында салу тәртібін айту : Алдымен қарындашпен «қиярдың» суретін саламыз. Ол есектің денесі болады. Оның жоғарғы бөлігінен – басын, төменгі бөлігінен – аяқтарын саламыз. Екі сызық жүргізу арқылы мойнын және кішкене «қияр» сияқты сызып, басын саламыз. Әрбір аяғын салу үшін екі сызық жүргіземіз. Аяқтарды сызыпсалып болған соң, оны әдемілеп толықтырып саламыз. Аяқтарын салып болған соң, оның тұяғын саламыз, олсәл алға қарай шығыңқырап тұрады. Одан соң көзін құйрығы мен құлағын саламыз. Есектің түсі сұр мен қоңыр болады. Есектің үстін тегістеп бояудың қажеті жоқ, кейбір жерлеріне ақ дақтар қалдыруға болады. Қара түспен көздерін саламыз. Балалар салу тәсіліне мұқият қарап отырады. Балалар саусақ жаттығуын жасайды: Бас бармағым тіпті де, Ұстай алмас жіпті де, Екі саусақ бірікті, Ине қолға ілікті Үш саусағым орамды, Жүгіртеді қаламды, Өнерлі екен он саусақ, Қала салсақ, жол салсақ. Балалар салу технологиясы бойынша есектің суретін салады. Жұмыс барысында балалрдың қағазға дұрыс орналастыруларын қадағалау.
Ұйымдастыру кезеңі: Балаларды ұйымдастырып, назарларын сабаққа аудару. «Шаттық шеңберін» құру. «Амандасу рәсімін» айту: Күндей жадырап, Айдай арайлап, Жұлдыздай жарқырап, Судай мөлдір, таза көңілмен, Бүгінгі күнімізді бастайық! Сабақ барысы: Балаларды қазақтың сәндік-қолданбалы өнер туындыларын көрсету, «өрнек» туралы ұғыммен таныстыру.Өрнек латын тілінен аударғанда «әшекейле», «өрнекте» деген сөздің мағынасын білдіретінін айту. Өрнек ғимараттарда, тұрмыстық заттардан т.б. заттардан кездестіруге болады. Тәрбиеші: - Ою-өрнектер қалай орналасқан? Балалар: - Ретпен. Бірдей. Ою-өрнектер арнайы бір ретпен орналасатынын, өзіндік заңдылықтары сақталып, симметриялық ырғақпен өрнектелетінін түсіндіру.Өрнектер белгілі бір заттарды көркем безендіру үшін қолданылады. Тұрмыстық заттардың аттарын атайды. Сандық, кілемше, торсық т.б.
Үлгі ретінде өрнек құрастырып көрсету. Оларды бояу. Балалармен өз еріктерімен геометриялық фигуралардан өрнектер құрастыруды ұсыну. Балалар өрнектерді салу тәсіліне мұқият қарап отырады. Балалар саусақ жаттығуын жасайды:
Балалар үлгі бойынша өрнектер құрастырады. Балалардың жұмысын талдау. Балалардың салған жұмыстарын талдау. Таза, әдемі құрастырылған өрнектерді мадақтау. Күтілетін нәтиже: Жаңартады: - қазақ халқының ұлттық ою-өрнектерімен танысады; Түсінеді: - көз мөлшерін, ырғақты сезінуін дамыту; Қолданады:- тұрмыстық тұтынатын бұйымдарды пішініне қарай әшекейлейді.
Ұйымдастыру кезеңі: Балаларды ұйымдастырып, назарларын сабаққа аудару. «Шаттық шеңберін» құру. «Амандасу рәсімін» айту: Күндей жадырап, Айдай арайлап, Жұлдыздай жарқырап, Судай мөлдір, таза көңілмен, Бүгінгі күнімізді бастайық! Сабақ барысы: Балаларға жұмбақ жасыру: Өзі айлакер қу, Жүрген жері у-да шу. (Түлкі) Жұмбақтың шешуін тапқан соң, балалардан қу түлкі жайында қандай ертегілер білетінін сұрау. Тәрбиеші: - Ертегілерде түлкі қандай болып кездеседі? Балалар: - Қу, айлакер. Түлкінің суретіне қарап, оның дене бөліктерін талдау. Тәрбиеші: - Оның денесінің пішіне неге ұқсайды? Балалар: -Жапыраққа. Тәрбиеші: - Оның түсі қандай? Балалар: - Қызғылт сары. Түлкінің сыртқы пішініне қарап тұмсығы сүйір, көзі қысық, айлакер, қу екендігін бірден білінетінін айту. Сергіту сәті Ұзын құлақ сұр қоян, Естіп қалып сыбдырды. Ойлы-қырлы жерлермен Ытқып-ытқып жүгірді. Түлкінің суретін салуда негізгі элемент «жапырақтар» болып келетінін ескерту. Үлкен-кіші жапырақтардың суретін салу арқылы түлкіні бейнелеуге болатынын және оны оны орналыстыру ретімен таныстырып,сурет салудың жолдарын көрсету. Балалар саусақ жаттығуын жасайды:
Балалар түлкінің ерекшелігіне қарай қағаздарына салады. Содан соң бояйды. Балалардың жұмысын талдау. Балалардың салған жұмыстарын талдау. Кімнің суретінде түлкі өте қу, айлакер болып бейнеленгенін атап өту. Күтілетін нәтиже: Жаңартады: -түлкінің суретін салып үйрену; Түсінеді: - шығармашылық қабілеттерін дамыту; Қолданады:- қазақстан жануары түлкінің суретін «жапырақ» әдісімен салады, бояйды.
Ұйымдастыру кезеңі: Балаларды ұйымдастырып, назарларын сабаққа аудару. «Шаттық шеңберін» құру. «Амандасу рәсімін» айту: Күндей жадырап, Айдай арайлап, Жұлдыздай жарқырап, Судай мөлдір, таза көңілмен, Бүгінгі күнімізді бастайық! Сабақ барысы: Тәрбиеші: балаларға Е.Өтетілеуұлының өлеңін оқу: Мен- Мияу мысықпан, Өзім сондай пысықпын. Қастық ойлар дұшпанға- Арамтамақ тышқанға Жолбарысша атылам, Тісті аямай батырам. Балалармен өлеңнің мазмұнын талдау. Мысық туралы ертегілерді еске түсіру. Мысықтың баласының суреттерін көрсетіп әңгімелеу. Балалар өлеңді мұқият тыңдайды. Мысық туралы ертегіні естеріне түсіреді.(«Мақта қыз бен мысық»). Мысықтың қандай болатынын сипаттап әңгімелейді.
Сурет салудың ретін, алдымен денесі, содан кейін аяқтары, құйрығы ең соңында басын салу керектігі ұсынылады. Балаларға салу ретін көрсете отырып, салу. Балалар сурет салу ретіне қарап отырады. Содан соң саусақ жаттығуын жасайды: Пеш үстінде мысық отыр, Алдап көзін қысып отыр. Тышқан етін жегісі кеп Алдап көзін қысып отыр. Балалар үлгі бойынша кішкене мысықты салады. Балалар қылқаламды дұрыс ұстап, сүйкей жағу тәсілдерін қолданады. Балалар жұмыстарына басшылық жасап, кейбір балаларға жеке нұсқаулар беріледі. Балалардың жұмысын талдау. Балалардың салған жұмыстарын талдау. Әдемі салынған суреттерді мадақтау. Күтілетін нәтиже: Жаңартады: – мысықтың баласының суретін салып үйрену; Түсінеді: – сулау тәсілімен сурет салуға жаттығады, іскерлік дағды-лары қалыптасады; Қолданады: – кішкене мысықты салады, сулау тәсілімен жұмыс жасауды пысықтайды.
Ұйымдастыру кезеңі: Балаларды ұйымдастырып, назарларын сабаққа аудару. «Шаттық шеңберін» құру. «Амандасу рәсімін» айту: Амансың ба, Алтын Күн! Амансың ба, Жер – Ана! Амансың ба, достарым, Сендерді көрсем қуанам! Сабақ барысы: Тәрбиеші: – балалар, сендерге жұмбақтар жасырамын, мұқият тыңдап отырыңдар Қанатсыз құс шауып барады, Көзінен жас тамып барады. (Бұлт) Желкенсіз жүзеді, Қанатсыз ұшады. (Бұлт) Бұлттың да пайдасы бар екенін, жаңбыр болып жауатынын, табиғат құбылыстарының ерекшелігімен байланыстыра әңгімелеп, олардың байқағыштығын дамыту Балалар жұмбақтың мұқият тыңдап, шешуін табады. Балалар бұлттардың қандай болатынын, жыл мезгілдеріне байланысты олардың түстерінің әр түрлі болатынын айтады. Үлгі суреттерді көрсете отырып бұлттарды сипаттау. Бұлттың суретін салуда қою түстерді көп қолданбау керектігін ескерту. Балаларға аспанның суретін салудың жолдарын түсіндіріп, көрсету. Жоғары бөлігі ашық түспен, төменгі бөлігі одан да ашық түспенбоялатыны ескерту. Ол үшін қағаздың жоғары жақ бөлігіне көк түспен екі сызық жүргізіп, оған көгілдір бояуды сумен қосып араластырып, 2-3 рет бір-біріне жақын етіп бояу. Қылқаламды суға батырып алып, жуып шығады. -Бұлттарды қағаздың жоғары жағына саламыз. Төменгі бөлігіне бұлттардың көлеңкесін түсіруге болады, оны ақ түспен салып, сұр түспен реңктерін бейнелейміз. Бұл түстерді бояутақтаға ақ бояуға көгілдір түсті және аз ғана қызыл түсті араластыру арқылы алуға болатытын көрсету. Балалар саусақ жаттығуын жасайды: Бас бармағым тіпті де, Ұстай алмас жіпті де, Екі саусақ бірікті, Ине қолға ілікті Үш саусағым орамды, Жүгіртеді қаламды, Өнерлі екен он саусақ, Қала салсақ, жол салсақ. Балалар үлгі бойынша аспанның, бұлттардың суретін салады. Реңктерін дұрыс таңдайды. Балалардың жұмысын талдау. Балалардың салған жұмыстарын талдау. Әдемі салынған суреттерді мадақтау. Күтілетін нәтиже: Жаңартады: – аспанның және бұлттардың салу технологиясын меңгереді; Түсінеді: – әр түрлі пішіндер мен түстердің реңктердің сезіне білуге тәрбиелеу; Қолданады: – бұлттардың суретін салады, сулау тәсілімен жұмыс жасауды пысықтайды.
Ұйымдастыру кезеңі: Балаларды ұйымдастырып, назарларын сабаққа аудару. «Шаттық шеңберін» құру. «Амандасу рәсімін» айту: Амансың ба, Алтын Күн! Амансың ба, Жер – Ана! Амансың ба, достарым, Сендерді көрсем қуанам! Сабақ барысы: Тәрбиеші: - Балалар, қазір жылдың қай мезгілі? Балалар: - Күз. Балаларға әр түрлі күзгі жапырақтарды көрсету. Балаларға күзгі жапырақтардың суретін салатынымызды айту. Әр түрлі және бірнеше жапырақтардың шоғын салуға болатынын ескерту. Балаларды түрлі-түсті жұмсақ борлармен таныстыру. Олардың жұмсақ және онымен сызса өте жалпақ із қалдыратынын айту. Балалар жапырақтардың пішіндері, түстері туралы айтады. Түрлі-түсті борларды ұстап, қарап шығады. Ақ қағазға күзгі жапырақтардың суретін салып көрсету. Оларды борлармен бояу. Содан соң, акварель бояуын алып, қою түстерді таңдап алып, жапырақтардың айналасын тегіс бояймыз. (қағаз бетінде ашық жерлер қалмауы керек.) Қызыл немесе көк, қара түспен бояуға болады. Қою түсті фонда жапырақтар шоғы әдемі көрінеді. Балалар салу әдісіне мұқият қарап отырады. Балалар саусақ жаттығуын жасайды:
жүктеу/скачать 1,6 Mb. Достарыңызбен бөлісу:
|