Сабақ үлгілері (Әдістемелік нұсқаулық) Тараз. 2013. 108 б
жүктеу/скачать 1,6 Mb.
|
Ұйымдастыру кезеңі Балаларды ұйымдастырып, назарларын сабаққа аудару. «Шаттық шеңберін» құру. «Амандасу рәсімін» айту: Күндей жадырап, Айдай арайлап, Жұлдыздай жарқырап, Судай мөлдір, таза көңілмен, Бүгінгі күнімізді бастайық! Сабақ барысы: Балалардан портрет жайлы сұрау. Тәрбиеші: – портрет дегеніміз не? Балалар: – адамның суреті. Тәрбиеші: – Дұрыс айтасыңдар. Бірнеше суреттерді көрсете отырып, адамдардың жүзінің әр түрлілігіне көңіл аударуларын тапсыру. Балалардың көңілді және көңілсіз қуыршақтардың жүздерін салатынын айту. Алдын ала бірнеше әр түрлі көңіл-күй бейнеленген жүздерді салып, ернінің, қабағының және көзінің орналасуындағы өзгерістерді түсіндіру. Сергіту сәті. Балалар сурет салмас бұрын саусақ жаттығуын жасайды: Ұзын мұртты құмырсқа Келе жатты жұмысқа Допты алды қолына Допты қойды жолына «Оңға» қарады «Солға» қарады Үлкен тау деп ойлады. Сабақ барысында адамдардың бас киімін, шашын және тағы басқаларын салған кезде адамдардың портреттеріне назар аударуды ұсыну. Әр түрлі бет-бейнелерді салып көрсету. Оларды көңілді, көңілсіз түрде бейнелеу. Балалар мұқият қарап отырады. Балалар әр түрлі бет-бейнелерді салады. Олардың көңіл-күйлеріндегі ерекшеліктерін салады.
Ұйымдастыру кезеңі Балаларды ұйымдастырып, назарларын сабаққа аудару. «Шаттық шеңберін» құру. «Амандасу рәсімін» айту: Күндей жадырап, Айдай арайлап, Жұлдыздай жарқырап, Судай мөлдір, таза көңілмен, Бүгінгі күнімізді бастайық! Сабақ барысы: Балалармен бет-әлпеттің өзгерісі туралы әңгімелесу. Тәрбиеші: – Әр түрлі жағдайларда адамдардың бет әлпетінің өзгереді. (ашуланғанда, қорқыныш, таң қалу, көңілсіздену т.б.). Қорыққанда бет әлпетіміз қалай өзгереді? Таң қалғанда ше? Балалар әр түрлі бет әлпеттің өзгеруін көрсетеді. Балаларға бүгінгі сабақта қызықты бет-бейнелер салатынымызда айту. Балаларға әр түрлі бет-бейнелерді суреттер арқылы көрсету. Бірнеше бет-бейнелерді салып көрсету. Суретті таза, ұқыпты салуларын қадағалау. Сергіту сәті Балалар сурет салмас бұрын саусақ жаттығуын жасайды: Пеш үстінде мысық отыр, Алдап көзін қысып отыр. Тышқан етін жегісі келіп. Тісі оның қышып отыр. Балалар әр түрлі бет-бейнелерді қызықты, күлдіргі етіп, әшекейлермен, көзілдірікпен, шашын да әр түрлі етіп бейнелеуді өздері табады. Балалардың жұмыстарын талдау. Балалардың салған суреттерін талдау. Балалар салған суреттерін мақтана қарап, бір-бірлерінің еңбектерін бағалайды. Күтілетін нәтиже: Жаңартады: – суретте әр түрлі бет бейнені салуға үйренеді; Түсінеді: – шығармашылық, елестете білу қабілетін дамыту; Қолданады: – әр түрлі көңіл-күйді қағаз бетіне түсіреді, оны бояйды.
Ұйымдастыру кезеңі Балаларды ұйымдастырып, назарларын сабаққа аудару. «Шаттық шеңберін» құру. «Амандасу рәсімін» айту: Күндей жадырап, Айдай арайлап, Жұлдыздай жарқырап, Судай мөлдір, таза көңілмен, Бүгінгі күнімізді бастайық! Сабақ барысы: Балалармен көліктер жайлы әңгімелесу. Тәрбиеші: – Балалар, көліктер қандай болады? Балалар: – Жеңіл, жүк таситын, әуе көліктері. Тәрбиеші: – Жеңіл көліктер әр отбасында болады. Жүк таситын көліктермен ауыр жүктер тасиды. Әуе көлігіне ұшақ, тік ұшақ жатады. Олар аспанда ұшады, адамдарды алыс аймақтарға тасиды. Әр түрлілі көліктердің ерекшеліктеріне назар аудару.Солардың ішінде жүк машинасына тоқталу. Жүк машинасы не таситынын айту. Жеңіл машиналар не істейтінін, тағы басқа көлік түрлері жайлы әңгімелеу. Жүк машинасының салу ретін көрсету. Қандай пішіндерден құралғандығын сұрау (төртбұрыш. дөңгелек). Жүк машинасының жеке бөліктерін бояуға түрлі-түсті қарындаштардың түсін өздері таңдап алуларына ұсыныс беріледі және сызықтарын анықтап қатты бастырып шығу керектігі ескеріледі. Бояу барысында дұрыс бояуға бағыт беріледі (қарындашты бір бағытта үзбей бояу). Бояуы қанық болу үшін үстінен тағы 1 рет бояу ұсыналады. Жүк көлігіне басқа тағы 1 көлік түрін салуға ұсыныс беріледі. Балалар сурет салмас бұрын саусақ жаттығуын жасайды: Бас бармағым тіпті де, Ұстай алмас жіпті де, Екі саусақ бірікті, Ине қолға ілікті Үш саусағым орамды, Жүгіртеді қаламды, Өнерлі екен он саусақ, Қала салсақ, жол салсақ. Балалар жүк машинасын үлгі бойынша салады. Өздері анық түстерді таңдап алады. Таза, дұрыс бояуды ескере отырып бояйды. Балалардың жұмыстарын талдау. Балалардың салған суреттерін талдау. Балалар салған суреттерін мақтана қарап, бір-бірлерінің еңбектерін бағалайды. Күтілетін нәтиже: Жаңартады: – көлік салуға үйренеді, қарындашпен дұрыс бояу техникасын меңгереді; Түсінеді: – шығармашылық, елестете білу қабілетін дамыту; Қолданады: – әр түрлі көлік түрлерін салады, дұрыс бояуға дағдыланады.
Ұйымдастыру кезеңі Балаларды ұйымдастырып, назарларын сабаққа аудару. «Шаттық шеңберін» құру. «Амандасу рәсімін» айту: Күндей жадырап, Айдай арайлап, Жұлдыздай жарқырап, Судай мөлдір, таза көңілмен, Бүгінгі күнімізді бастайық! Сабақ барысы: Балаларға қазақтың бұйымдарын көрсету. Ондағы ерекшеліктерге назарларын аудары. Тәрбиеші: – Балалар қазақтың тұтынатын бұйымдары ою-өрнектермен ерекшеленеді. Бүгін «балта» және «тарақ» өрнегімен танысамыз. Балаларға өрнектерді көрсету. Тәрбиеші: – Балалар, «балта» өрнегі кәдімгі ағаш шабатын балтаға ұқсайды. Ал, «тарақ» өрнегі болса, шаш тарайтын тараққа ұқсайды. Өрнектер бірізділікпен орналасады. Осы өрнектерді қағазға салып көрсету. Оларды бояумен бояу. Балалар өрнектердің салыну тәсіліне мұқият қарап отырады. Жұмысқа кірісерде саусақ жаттығуын жасайды. Бас бармағым тіпті де, Ұстай алмас жіпті де, Екі саусақ бірікті, Ине қолға ілікті Үш саусағым орамды, Жүгіртеді қаламды, Өнерлі екен он саусақ, Қала салсақ, жол салсақ. Содан соң қағаздарына өрнектерді үлгіге сүйене отырып салады. Бояумен бояйды. Жұмыс барысында өрнектерді қағаз беріне дұрыс орналастыруларын, таза, ұқыпты салуларын қадағалау.
Ұйымдастыру кезеңі Балаларды ұйымдастырып, назарларын сабаққа аудару. «Шаттық шеңбе-рін» құру. «Амандасу рәсімін» айту: Күндей жадырап, Айдай арайлап, Жұлдыздай жарқырап, Судай мөлдір, таза көңілмен, Бүгінгі күнімізді бастайық! Сабақ барысы: Балаларға хохлама өрнегімен орнектелген бұйымдарды көрсету. Өрнектерді көрсету. Тәрбиеші: – Балалар бұл өрнектерді хохлама өрнектері деп атайды. Өрнектердің түстері қандай? Балалар: – қызыл, қара. Тәрбиеші: – Өрнектер нелерден құралған? Балалар: – Жапырақтардан, жемістерден. Тәрбиеші: – Хохлама өрнектерін ағаштан жасалған бұйымдарға салады. Балаларға өрнектің элементін салыну әдісін көрсету. Қағаз бетіне салғанда симметрияны сақтай отырып өрнек элементтерін орналастыру. Өрнекті салу баоысында қылқаламды дұрыс ұстау міндетті екенін айту (ұшымен салу) Балалар өрнек элементтерінің салыну тәсілін мұқият қарап отырады. Содан соң саусақ жаттығуын жасайды. Қазым, қазым, қаңқылдақ, Көлде жүрсің саңқылдап. Жем шашайын жейсің бе? Кәмпит берсем жейсің бе? Жоқ, жоқ, кәмпит тәтті болмас ас, Арпа менен бидай шаш. Үлгілерге сүйене отырып балалар хохлама өрнектерінің элементін салады. Жұмыс барысында таза салуларына, қылқаламды дұрыс ұстауларына назар аудару. Балалардың жұмыстарын талдау. Балалардың салған суреттерін талдау. Күтілетін нәтиже: Жаңартады: – хохлама өрнегі туралы; Түсінеді: – хохлама өрнегінің ерекшеліктерін; Қолданады: – хохлама өрнегін салады, қылқаламды дұрыс ұстай отырып бояйды.
Ұйымдастыру кезеңі Балаларды ұйымдастырып, назарларын сабаққа аудару. «Шаттық шеңберін» құру. «Амандасу рәсімін» айту: Күндей жадырап, Айдай арайлап, Жұлдыздай жарқырап, Судай мөлдір, таза көңілмен, Бүгінгі күнімізді бастайық! Сабақ барысы: Балалардан ертегілер жайлы сұрау. Тәрбиеші: – балалар, сендер ертегілерді жақсы көресіңдер ме? Балалар: – Иә. Тәрбиеші: – Сендер қандай ертегілерді білесіңдер? Балалар: – «Мақта қыз бен мысық», «Бауырсақ», «Үш аю» т.б. Тәрбиеші: – Ертегілер несімен ұнайды? Балалар: – Өте қызықты. 1-2 бала өзі ұнататын ертегінің кейіпкері туралы айтады. Тәрбиеші: – Балалар, бүгін өздерің ұнататын ертегі әлемін саласыңдар. Сергіту сәті Ұзын құлақ сұр қоян, Естіп қалып сыбдырды. Ойлы-қырлы жерлермен, Ытқып-ытқып жүгірді. Балаларға өз беттерінше ертегі хандығын салуларына нұсқау беремін. Таза, ұқыпты бояуларына кеңес беремін. Бейнелеу материал-дарын өздеріне таңдап алуларына рұқсат беремін. Балалар өздеріне ұнайтын ертегілердің кейіпкерлерін салуға кіріседі. Бейнелеу материалдарын таңдап, бояуға кіріседі.
Ұйымдастыру кезеңі: Балаларды ұйымдастырып, назарларын сабаққа аудару. «Шаттық шеңберін» құру. «Амандасу рәсімін» айту: Амансың ба, Алтын Күн! Амансың ба, Жер – Ана! Амансың ба, достарым, Сендерді көрсем қуанам! Сабақ барысы: Балаларға жұмбақ жасыру: Тәрбиеші: Құрама темір Қолқабасы көк Ғұлама темір (Робот) Жұмбақ шешуін айтқан соң, роботтар жайлы әңгімелеу. Тәрбиеші:– Балалар робаттар неден жасалады? Балалар: – Темірден. Тәрбиеші: – Дұрыс. Егер роботтар еліне тап болсаңдар не істер едіңдер? Балалар роботтар әлеміне тап болса не істейтіндері жайлы жауап береді. Роботтар неден жасалатындығын, дене пішіндері қандай фигуралардан тұратындығын сұрау. (Төртбұрыштардан, шаршы ) Сергіту сәті Балалар роботтардың қимылын көрсетеді. Балаларға геометриялық пішіндер арқылы роботты салу жолын көрсету. Оны бояу. Өз беттерінше робот ойластырып салуға болатындығы жайлы айту. Балалар сурет салмас бұрын саусақ жаттығуын жасайды: Ұзын мұртты құмырсқа Келе жатты жұмысқа Допты алды қолына Допты қойды жолына «Оңға» қарады «Солға» қарады Үлкен тау деп ойлады. Балалар қағаздарына роботтың суретін салып, бояйды. Өз қиялдарынан ойлап тапқан роботтарын да салады. Балалардың жұмыстарын талдау. Балалардың салған суреттерін талдау. Күтілетін нәтиже: Жаңартады: – роботты салып үйренеді, геометриялық пішіндерді ажырата біледі; Түсінеді: – шығармашылық ой-қиялын дамыту; Қолданады: – жаңа бейненің суретін салады, қажетті түстерді таңдап бояйды.
жүктеу/скачать 1,6 Mb. Достарыңызбен бөлісу:
|